$4,990直飛新西蘭 　　　　　　初秋浪漫睇極光 @Travel佳

想同愛侶過一個親密假期，新西蘭係你嘅不二之選。上回講到，秋天適合到新西蘭歎紅酒美食，今次轉為親親大自然，賞紅葉、睇南極光、湖上Skydive，再睇燈塔海灣，盡情感受新西蘭浪漫嘅秋日景色。

邊走邊行看紅葉

新西蘭天大地大，人口密度低，只要開車到近郊，整個世界會只屬於你倆。踏入3月，秋天到臨，深綠嘅山野森林，變成一片紅。想玩得輕鬆無束縛，Travel佳建議駕駛露營車，邊走邊行，欣賞路上秋色。位於南島嘅箭鎮（Arrowtown）以秋色聞名，每年4月，鎮上箭河兩旁嘅懸鈴木、白楊木、白樺木、紅樺木都會變成紅色或者金黃色，係全國最有名嘅秋色勝地。

追蹤罕有南極光

北極光出名靚，南半球嘅南極光亦好吸引！南島嘅但尼丁（Dunedin）、蒂卡波湖（Lake Tekapo）係欣賞南極光嘅極佳地點。每當新西蘭踏入秋冬，喺無月光嘅晚上，就有機會睇到七彩極光同滿天星星嘅景象，相當壯觀，可過一個極盡浪漫嘅晚上。

皇后鎮湖上飛天

假如睇極光、秋色都唔夠浪漫，不如就與愛侶同生共死，到皇后鎮嘅瓦卡蒂波湖（Lake Wakatipo）玩Skydive。同愛人飛到15,000英尺嘅高空，喺天上欣賞瓦卡蒂波湖嘅藍綠色湖水、蓋著白雪嘅連綿山脈，如此美景，實在令人難忘！

北國之南城堡角

走到北島最南端嘅城堡角(Castlepoint )，可以睇到層層疊疊嘅石灰岩礁、燈塔162米嘅Castle Rock （城堡岩石）同無盡嘅大海。喜歡動物嘅，更可以喺呢度睇到海豹、海獅同海鷗。帶愛侶沿住石灰岩礁遊走，睇大浪拍岸，喺北島之南感受身處大地盡頭嘅浪漫。

即買優惠機票出發

新西蘭航空由即日起，推出秋日浪漫優惠，以$4,990的優惠價直飛奧克蘭（只限3月8日至3月10 日訂票，出發日期：5月11日至5月24日），或以$6,990嘅優惠價玩轉南北島，目的地包括：奧克蘭/威靈頓/基督城/皇后鎮（訂票日期：即日至3月21日，出發日期：4月4日至6月22日）。另外，想同另一半坐得更舒適，可以$14,750嘅優惠價，乘坐豪華經濟艙直飛奧克蘭。新西蘭航空嘅座椅出名舒適，空中服務員殷勤有禮。飛機餐方面，不單提供亞洲菜式，仲有新西蘭菜式同頂級佳釀，率先體驗當地風情。你和你嘅愛人幾時到新西蘭浪漫一番？