1400万円的吞拿魚 @ Gigi東京生活情報
築地每年1月5日的新春吞拿魚競投都非常激烈，無求攞到個頭彩
香港人比較熟悉的應該係2008年板前寿司的Ricky san用607万2000円投得最貴的吞拿魚
2012年打後，板前出現勁敵! 呢5年投得最貴吞拿魚的是全國都有分店的壽司連鎖店「すしざんまい」
由於今年是築地市場搬去豊洲前最後一次新春競投，所以特別受矚目
結果繼續由すしざんまい用1400万円投得呢條由大間產在青森縣捕獲的200公斤吞拿魚!
吞拿魚解體之後於下午分到各分店共客人享用!
雖然呢條吞拿魚1公斤要平均7万円, 但店鋪依然是收取平常的大衆化價錢
對公司來講基本上是虧本的，社長願意花如此高價購買這條吞拿魚主要是當作宣傳!
這家壽司連鎖我不常去，只去過有楽町分店,
呢晚我遷就朋友工作地點下班後就立刻趕到渋谷的東急本店前分店試食!
7點幾到達，外面的人龍不算太長，而且等候時間也算快
門口貼了社長木村清在2013年用史上最貴的價錢1億5千万円投得的吞拿魚紙板公仔!
等了約15分鐘同朋友入座後立刻點那條1400万吞拿魚，本打算叫2份食，怎料師傅話每人只可以每款叫1個!
其實都公平合理，否則所有分店點可以挨到那麽夜都仲有存貨! 小食多滋味吧!
其實呢個做法也蠻有生意頭腦，一場來到，只能點一件吞拿魚的話，你一定會點其它壽司食!
賣一件虧本的吞拿魚壽司，卻能在其他壽司上賺回! (我當然不會那麽厚面皮只食1件吞拿魚就埋單)
這家店跟有楽町不一樣，不是寫點心紙，盡管吧枱上面放了大量點心紙，師傅要求我直接參考餐單圖片落柯打
不懂日文的話指住圖柯打的話溝通應該無問題
夾雜其他壽司一齊叫，第一時間將主角的赤身及中Toro放入口!
OMG! 應該係我食過最好食的! 飯同魚融爲一體，不用點咬就已融化在口裏!
前所未有的食感及味道!
其他壽司則表現一般水平
埋單前我點了一條上穴子
燒得非常美味! 很有碳燒的味道
埋完單離開餐廳那一刻還能感受到那股味道在口裏!
真正齒的頰留香!
壽司店攞頭彩買魚
希望我食咗呢條魚2016可以同大家一樣年年有餘！
地址:東京都渋谷区宇田川町34-5 サイトウⅢビル1F
電話:03-5784-2820
24小時營業，年中無休
周末假期不接受預約
延伸閱讀：
