跟《破風》踩單車走入台灣靚景

唔知咁多位睇咗《破風》未呢？身邊有好多朋友（主要係女仔）入場嘅原因都係為咗睇彭于晏BB，咁其實我自己都係嘅，不過加上本身喺香港都有踩開單車，而且一路都想去台灣試吓環島遊，所以知道《破風》有超過70%嘅戲都係喺台灣取景，點都要入場睇吓啲自然靚風景當自己已經去咗台灣踩咗個圈（P.S. 彭于晏真係好靚仔）。

講返正題，今次《破風》喺台灣取景嘅地方主要有台中高美濕地、武嶺、花蓮、高雄同墾丁等等，有街景又有大自然景，全部都係當地出晒名嘅風景聖地，根本就係將台灣啲靚景嚟個show off！

台中高美濕地，位於清水大甲溪出海口南邊，面積有成1,500公頃，單單係雀鳥已經有超過100種咁多，係台灣其中一個重要嘅生態保育區。而呢幾個白色巨型風車就係呢度嘅地標啦。

高雄街頭，有去過都應該好熟識啦，今次喺當地取景，被外間認為將台南嗰份古色古香嘅味道完整搬上大銀幕。

墾丁風吹砂，位於佳樂水以南，感覺好似置身喺大海同沙漠中間，一邊有陣陣海風，另一邊又會有大大小小嘅沙粒吹埋嚟。

睇完《破風》唔夠一個禮拜，我已經開始plan緊我嘅環島遊大計啦！因為依家喺網上成功申請指定渣打信用卡，即有機會贏取HK$5,000旅遊禮券，咁就可以免費飛去台中踩單車睇靚風景啦！
立即申請

圖片來源：now新聞、旅遊資訊王、聯合新聞網、世界電影雜誌World SCREEN、自由時報、單車誌