航空公司 廣告災難逐個捉@杜遊珍
廣告
阿珍 FB 上星期幾乎被俄羅斯航空廣告洗版！事緣俄羅斯 航空公司 在紅磡世界殯儀館的外牆上蓋擺放廣告牌，大字寫上「我們很高興送您到…」，睬！大吉利是！網友Amelie Lui又係嘅，影啲唔影啲，人哋全文係「我們很高興送您到歐洲」，如此斷章取義，比起在大世界樓上落廣告嗰位仁兄更罪大惡極！
講開廣告，土耳其航空就「 賴 」過唔少嘢，Photoshop 露出馬腳，飛機無咗前轆都夠膽死，又試過將廣告放在電梯邊，飛機直插地面，唔多「老泥」！好心佢就學下廣告聖手維珍航空啦，年前一則關於機艙電視加闊的廣告，一句「自己玩，9吋的快樂」，點題啜核，樂而不淫，呢啲先叫創意嘛！
