機票入手全攻略！飛新加坡 廉航$450平過返大陸 !
fancare•本刊旅遊編輯：「國泰與新航互相『睇住嚟打』，價位長年相差只在百元上落。國泰雖班次較多，但以早去晚返班機計，新航一樣有選擇；而且有A380執飛的航班，我會優先選擇！」
傳統航空，可選新航！
星港直航航班有國泰、新航及聯合航空三家公司，其中聯合主力服務美國客，晚去早回，唔提也罷。新航免費行李重量多足10kg，值得秤先。
廉航，坐酷航！
3家廉航以酷航最進取，個個星期都有劈價值得一提的是航班更指定以全新787執飛、座位空間與傳統航空睇齊至31吋，單論性價比已經完勝，是心水之選！
撲平飛點部署？
國泰遠期平飛
新航平價優惠暫時做到聖誕前，但國泰的$1,000平飛則全年都適用，出發期則長至明年暑假，想買定遠期機票，要留意國泰。
酷航中午劈價
酷航劈價最密；每月2-3次，例牌於中午出擊，大家可以守株待兔，而且包括紅假出發日子，是撲飛首選。
酷航去、虎航回！ 來回分開買
酷航去程時間超好，但回程卻是凌晨好尷尬，建議大家來回程分開買，回港時選乘虎航的傍晚班機，價錢差唔多，卻可用盡廉航的靈活性，自製早去晚返行程！
數據點樣嚟?
機票攻略一口氣連載十期，相信大家已經掌握到唔少撲飛心得，認清騎呢搵笨位，本欄宣告達成使命嘞；下期開始將有其他實用攻略登場，記得繼續捧場，後會有期！
延伸閱讀：摘星名廚 美食節 割價試 【新加坡】
星洲名師新作 平住Philippe Starck 酒店 【新加坡】
【最後兩天】聖誕出發新加坡 減$500 再送環球影城門票
