曼谷 Asiatique夜市 變型 200店舖長駐 【曼谷】

曼谷著名的 Asiatique夜市 攤檔夠晒多，但稍嫌舖頭太分 散唔夠集中，最近大翻新過，將5、7、8及9號倉庫打造成 URBANO 區，主攻潮流精品，更加好行！鮮黃色外形明顯比其 他倉庫型格，多咗大量裝飾影相位，似商場咁四正，早前更舉 辦過車展、演唱會等活動，令夜市更好玩更有生氣。二百間店 舖有新有舊，雖然價錢貴少少，但貨品靚啲，買得落手！新店 包括環保概念T恤ACTs Of Green、皮革製品店Vamp Up Design及吹氣手袋Inflat Decor等，首推 自家製番梘Master Sweet，將番梘製成蛋糕及冬甩 外形，做手信一流！