星洲名師新作 平住Philippe Starck 酒店 【新加坡】

酒店係身份象徵，去新加坡梗要入住最新最型設計 酒店 ，The South Beach 請來法國大師級設計，超晒班！鄰近Marina Bay 區，地鐵站一出即達夠方便。室內設計由Philippe Starck 親自操刀，每間房都有價值過萬蚊的名作鋁製搖椅，仲包免費迷你吧及極速WiFi。最特別為Showcase Her 女性專用樓層，房間有專為女士而設的蒸面機、首飾盒及大碼恤衫當睡衣，仲有女管家貼身照顧，細心！酒店特別騰出43個社交空間畀住客互動，例如放滿designer chair 的空中花園及酒吧。TripAdvisor 住客評語正面，大讚酒店好玩有型又性感。試業期間官網做緊買二送一優惠，但安達旅運的套票更加抵，包埋機票只係$3,399，唔使諗啦！