旅遊教室 : 極光 不似預期! 影到唔代表見得到! 什麼月份去最好?
廣告
日全蝕、超級月亮、獅子座流星雨等天文現象，都可以準確預測得到，只要天公造美唔好多雲落雨，要看實在唔難，唯獨 極光 ，以現今科技也不能百分百準確預測出沒時地方位，想放假去圓夢睇 極光 ，究竟去邊度好？如何計劃行程好？等我呢位「見唔到過」兩次極光的過來人分享一下。
text: fancare
「見唔到過 」兩次極光即係點？
話說記者追過兩次極光，一次去瑞典北部 Kiruna，一次去挪威北極圈內的 Tromsø，兩次都發現天上有綠色殘影在舞動，不過肉眼唔多睇到，因為極光出現唔一定好似網上圖片咁成個天變綠，太陽活動弱雞的話，肉眼是未必看到的，用相機曝光10秒至半分鐘，可能更清晰。呢兩次都只係影到見唔到，交到差但仲想再去肉眼睇囉！
什麼月份去睇極光最好？
有說10-2月去北歐最好，因為時為當地冬季，日短夜長，以機會率來說愈長夜晚當然是愈大機會見到啦！不過統計發現9月及3月更容易看到極光，因為春分、秋分時，太陽風繞到地球的角度最易引發 極光，而且避過天氣最凍嘅1、2月，野外等待 極光 都無咁辛苦！
千祈唔好月圓之夜出發！
千祈唔好月圓之夜出發！千祈唔好月圓之夜出發！千祈唔好月圓之夜出發！重要事情要講三次！雖然極光出現講求天氣和太陽活動，當月圓時月亮照得地面光亮，極光強烈還可，但如果弱弱的極光被月亮搶去光芒，影相都唔靚，情況同拍攝星空一樣，有月光就會搶去星空光芒！建議避開月圓前後5天，農曆初十至二十就避之則吉！
