《Do姐再Shopping》第二集｜爆笑重溫：Do姐寫血書＋農夫為14萬筷子棄日本車
文：Cynthia｜圖：TVB、眾星Ig、新傳媒資料室
《Do姐再Shopping》 運動過後再掃貨
第一集《Do姐再Shopping》笑位就夠多啦，但購物位就唔夠多，不停做運動。練開高鈣舞嘅Do姐大展身手，無懼農夫笑佢唔夠鈣，展示彭丹拱橋進化版，做出「驅魔人」式拱橋，化身蜘蛛俠攀石，「生命力強過小強」，仲K.O.翠如bb！今集Do姐做返老本份，帶大家掃靚貨！
01｜翠如溝「正藍」 農夫拒收絕交書
Do一向鍾意收集文具、行文具店，今晚就特別為佢加入了KAKIMORI文具店，最特別的地方是可以自製不同顏色的墨水筆，一共有14種顏色可以自行溝色，再留record用完可以重配。
咁啱翠如BB溝咗隻藍色，農夫就問呢隻係咪「楠色」，語意雙關串翠如溝蕭正楠！而Do姐就溝咗隻酒紅色，農夫笑話唔想收到Do姐嘅「絕交書」。
2,000円 自製筆記簿
除了自製墨水筆，仲可以製作個性化的notebook，從材質、用紙、橫線的粗幼都可以自行決定，每本簿的定價是2,000円起，以簿來說都幾貴，但可以全程自行DIY，都好有收藏價值！有唔少文青去到日本，都會特登一訪Kakimori！
Do姐取笑陸永做的是「土豪簿」，因為淺色皮面好易污糟，係土豪好有錢先會唔怕！
KAKIMORI
地址：台東區蔵前4-20-12
網址：kakimori.com
02｜農夫寧棄日本車 要14萬円筷子
日本的匠人精神向來令人佩服，今集拜訪嘅筷子專門店「銀座夏野」，最貴一對索價14萬円，由老師傅一手一腳製造，上一百多層的食用漆最後才完成。呢對筷子同部日本車一樣貴，Do 姐就問農夫會揀收車定筷子？農夫神回：「梗係收筷子啦，收車有咩用啫，又唔可以挾嘢食，收筷子就實用好多！」果然好有大志！
但慳家的翠如BB見到價錢大叫肉赤唔會買，果然係好女人！
一對筷子同部日本車一樣貴，Do 姐就問農夫會揀收車定筷子？農夫就答「梗係收筷子啦，收車有咩用啫，又唔可以挾嘢食，收筷子就實用好多！」果然好有大志，認真爆笑！
銀座夏野
地址：東京都中央區銀座6-7-4 1F
網址：www.ginza.jp/zh/shop/978
03｜和紙價錢問答大賽
去到和紙專門店，Do姐就搞咗場「和紙價錢問答比賽」，由「畫畫世家」出身嘅翠如bb激戰「業餘」農夫，原本以為翠如BB會大勝，點知……
04｜精選高檔三文魚
除咗睇文青嘢，今集Do姐仲帶路去三文魚專門店，煙三文魚、鹽醃三文魚、鹽漬三文魚籽等，詳細講解三文魚知識！
05｜備長炭專門店 齊齊長歎
4人再去了一間專賣備長炭的店舖，有各種炭製品，包括看起來很靚的頸鍊，再試飲加了炭的水，Do姐大讚水有水味，果然夠高深！
