《Do姐再Shopping》第五集｜爆笑重溫：翠如「𠽌𠽌𠽌」食烏冬
廣告
《Do姐再Shopping》去到日本嘅最後一站，4位主持人食完烏冬之後，決定散水！唔通佢哋炒大鑊唔再一齊去Shopping？當然唔係啦，原來每個景點嘅最後一站，都係「散水時間」，可以各自去想去的地方，一無咗Do姐，佢哋就勁使錢啦！
文：Cynthia 圖：TVB、眾星Ig、新傳媒資料室
節目景點01｜《Do姐再Shopping》烏冬食到「𠽌𠽌𠽌」
講起烏冬，大家第一時間諗起的，可能都會係讚歧烏冬，但原來伊香保的水澤烏冬都好出名！節目組揀選了一間擁有百多年歷史、第17代傳人的老字號烏冬店，4人參觀烏冬的製作過程，由水、麵粉、鹽揉製，以手腳踩而成的烏冬，再掛起烏冬。
睇完節目，可能好多人都唔知到底「𠽌𠽌𠽌」有咩咁好笑，其實就係蕭正楠多年前的經典廣告，一直瘋狂「𠽌𠽌𠽌」，難怪大家猛抽啦！
覺得烏冬好食，就要大大聲食到「𠽌𠽌」聲，成集都聽到瘋狂不停「𠽌𠽌」，仲話肯定好好食啦！
Do姐勁鍾意味道天然的水澤烏冬，吃入口夠清淡一啲添加物都無，就連配菜都係份量細細的天婦羅秋葵，好啱心意，仲買咗好多烏冬返去。
水澤烏冬 – 清水屋
地址：群馬縣涉川市伊香保町水沢204
營業時間：星期一至三、五至日 11am-5pm（星期四休息）
節目景點02｜《Do姐再Shopping》毛巾專門店
第二站去到毛巾專門店大睇手工精細的毛巾仔，連慳家嘅翠如都忍唔住睇埋一份！
散水時間：Do姐最愛白T-Shirt
經常都好fashion的Do姐，原來平時私底下好喜歡著白色T-Shirt，睇番平日Do姐IG啲相，又真係好多白色衫！今次東京的散水時間，就走咗去日本潮人小司只賣白色T-Shirt的小店，掃唔同設計的白T！
散水時間：農夫朝聖扭蛋店
至於平時最喜歡得意小物、潮嘢嘅農夫，就一齊去咗全東京最新的扭蛋店，童心未泯大玩扭蛋，果然Do姐一唔喺度就亂使錢！
散水時間：黃翠如示範小資女掃貨
至於慳家的翠如bb，就去咗涉谷8層咁高嘅驚安の殿堂，有成二百幾款colour con 可以慢慢掃！
