曼谷必必必食! 層層疊~甜魔之塔！

泰國人個個都有個甜品胃，無甜不歡！只開業了半年的HASHME，主打數十款鹹食及甜味窩夫，不過識食一定食呢個窩夫斜塔，幾多層任你砌！窩夫塔由兩層起，逐層計錢，最高紀錄係13層。點解咁高都唔倒塔？因為廚師細心度過，用比頂層略大的窩夫打底，中間夾著雪糕黏實，先至屹立不倒！為咗唔浪費，我哋只敢叫十層，窩夫即叫即製，起碼等半小時先上枱。雖然窩夫唔係熱辣辣，不過放耐咗亦唔會死 實乾身，窩夫本身唔算甜，口感鬆軟，有微微麵粉香，似淡味的雞蛋仔。窩夫蘸上曲奇及朱古力味雪糕，再按喜好淋上士多啤梨醬、朱古力醬、楓糖漿及煉奶，啖啖唔同味都得，加上新鮮雜莓，係好食嘅。模特兒一口氣已KO三層，肥？唔理啦！