復活節去邊玩？日、韓、台6大外遊必玩巡禮

Feb 20 2016

初八喇喎，但你仲係初四咁嘅樣？與其懷緬過去，不如展望下月尾的復活節啦！今年只放4日紅假，較適合短線遊，問過旅行社都話近近地的日韓套票最搶手！知你班哈日族去日本當食生菜，老土行程唔多講，記者落足眼力搵齊各地新景點，畀大家參考吓。遊韓台或新加坡的朋友亦唔使失望，你哋都有份㗎，一齊開心share啦！

1.東京25/3開幕！新宿、銀座新場

購物狂3月必到東京！事關會有2個新商場開幕，包括新宿的NEWoMan 和銀座東急Plaza。前者有United Arrows 旗下的Astraet、Estnation 等日牌，走輕熟女路線。食物方面有意式鄉村菜餐廳Rosemary’s 和比利時朱古力BbyB 等。想血拼就必去銀座東急，有大量服飾店和樂天免稅店，不過復活節後才開幕，如3月底到東京不妨去逛逛。

日本_韓國_台灣_復活節_旅行 — 位於銀座的東急Plaza會於3月31日開幕，如仍在日本可前往一遊。

銀座東急Plaza
地址：東京中央區銀座5-2-1 （顯示地圖）
交通：地鐵銀座線、丸の內線、日比谷線銀座駅C2出口徒步1分鐘
新宿NEWoMan
地址：東京新宿區新宿四丁目1番6號（顯示地圖）
交通：JR新宿站新南口可直達

2.大阪18/3啟用！最激恐龍過山車

今年大阪環球影城15周年，樂園又有新機動遊戲吸金，「飛天翼龍」過山車軌道全長1,124米，號稱是世界最長、最大落差的過山車！睇返官方宣傳片，架過山車真係鬼咁刺激，360度旋轉完又衝入隧道，復活節前來挑戰吧！

飛天翼龍過山車
地址：大阪環球影城侏羅紀公園區（顯示地圖）
交通：JR櫻島線環球影城車站直達
網址：www.usj.co.jp

3.名古屋9/3開幕！全新酒鬼博物館

3月遊名古屋，除了賞櫻還可放肆做酒鬼！世界啤酒博物館繼東京、大阪、橫濱後，下月將於名古屋再開分館，供應來自世界各地的250種啤酒，仲有名古屋限定的送酒小食！酒館亦有推出較易入口的啤酒，怕苦味的朋友亦可淺嘗。

世界啤酒博物館
地址：名古屋市中村區名駅3-28-12 大名古屋ビルShops &Restaurants 3F（顯示地圖）
營業時間：11am-11pm
交通：地下鐵東山線名古屋駅2號出口
網址：www.world-liquor-importers.co.jp

4.新加坡15年底開幕！國家美術館開餐

早前《新假期》曾派員直擊的新加坡國家美術館，有名畫睇有好西食，忍唔住要再次推介！場內展出逾800件當代藝術品，自認文青必到！行完仲可到館內的6間餐廳用膳，最推介名廚JulienRoyer 主理的Odette 法國。

新加坡國家美術館
地址：1 St.Andrew’s Road, Singapore, 178957（顯示地圖）
票價：成人SG$20/HK$108，學生SG$15/HK$81，6歲或以下小童免費入場
開放時間：星期日至四 10am-7pm，星期五及六10am-10pm
交通：City Hall地鐵站下車，步行約10 分鐘
網址：www.nationalgallery.sg

5.台北3月通車！桃園捷運直通Outlet

台灣首座露天Outlet 華泰名品城去年底開幕，內有102個品牌如Brooks Brothers、Nike等，勁多平貨執，更有「made for outlet 」為特賣場而設的當季款，唔只得老土舊貨！名品城本身位置偏僻，但興建中的機場捷運桃園站會有兩個出口直達Outlet，預計3月通車，上機前預2個鐘去掃貨啦！