台灣紅爆的士! 打住的唱K |台灣|
廣告
記者好鍾意唱卡啦OK，去到邊都要唱，前排網上瘋傳一名香港靚女喺台北的士大唱王菲的《容易受傷的女人》，搞到記者都牙癢癢，決定飛到台北，搵返呢架咁特別嘅K 房的士，以保K 后地位。經記者起底，得知呢位台灣司機名為涂清涼，自封「歡樂老爹」，因為太鍾意唱歌，佢個女幫佢响乘客位加設咪高峰、擴音器同電視，而最重要係車上的歌聲亦會同步放送給車外，強迫路人欣賞。當日記者打去預約就OK，涂師傅準時接我之餘，亦有禮問想唱咩，絕對揀咩歌都可以！
1512101 香港新假期記者她也來一首小幸運
Posted by 涂清涼 on Friday, 18 December 2015
恭喜她！ 從台灣紅到大陸！紅回香港 ！有香港網友希望 ！再看到她的影片 ！我再PO一次……
Posted by 涂清涼 on Thursday, 3 December 2015
不過揀歌系統相當「人肉」，只係用手機上網搵MV，再即時駁線過電視播，即可唱得！拎起有線咪，試唱Hebe 嘅《小幸運》音響都幾環迴立體，仲有LED 閃燈！惟接駁手機同電視嘅電線經常鬆脫，有窒機情況發生。司機有追加服務，會一邊單手揸車，一邊用手機幫客人拍片（其實幾危險），再秒速上載到佢臉書！如 果知你係單身，仲會公開幫你招親，服務好貼心！最緊要係，呢項唱K 服務完全免費，只需付相應車資即可，最啱坐去桃園機場嗰程，一個鐘車程想唱幾多首都OK！除非太難聽啦，涂師傅就試過有個客唱到五音不全，唱完一首歌後即 沒收咪，叫佢轉台睇戲！好彩記者都成功唱到2首歌，證明我唱功都未太差！
涂清涼老爹Ktv行動計程車
電話：+886-983- 181-338
FB：搜尋「涂清涼」
延伸閱讀：
舊巴變巨型喇叭 華山草地車廂開趴 【 台北 】
郭富城上身！台北燒烤~小鮮肉埋身服務
【 台北旅遊 】涼涼地！北投浸溫泉～透氣短線遊推介
