全台唯一 最齊全官方 迪士尼 精品|台北|

鍾意 迪士尼 ，買到破產其實唔難，因為除了日本Disney Store以外，粉絲又多一個地方掃貨！剛於台北微風松高店開業的Zakka House雜貨屋，為全台唯一獲華特 迪士尼 正式授權的專門店。有餐具、文具、毛公仔、擺設等過千款產品，8成為日本進口貨，亦有從歐美引入及本土自家設計，部分貨品標榜在Disney Store都買唔到！例如日本卯三郎限量手製木芥子、全台獨家的日本製地毯及窗簾等。米奇美妮以外，當然唔少得《冰雪奇緣》、《反斗奇兵》及今期最火熱的《星球大戰》等卡通人物，非常齊全。即日至12月20日有開業優惠，所有商品九折，另有多款精品特價發售，去台灣，一樣可以爆買！