2018書展混戰！Rose Ma、沙律 X Kimi、楊思琦8大寫真邊本最高質？

撰文：Kevin Au、Chermaine、東方新地｜圖片：Facebook、Instagram、出版社、東方新地｜編輯：乖乖隆地洞＠central

1. Rose Ma 馬俊怡 《初次/RoseMa First Album》

日模玩本土，本地薑梗係要玩日系啦。Rose Ma 今次投資六位數拉大隊去東京取景。為左今次寫真佢都努力 Keep fit 保持最良好嘅體態。 除左用泳衣表現身材線條，一輯「乾物女」嘅相都表現左現實中嘅佢。仲有，最令人為之一振嘅係佢嘅團隊竟然諗到去男人最熟悉嘅泳池 ”That Pool” 影相，哈哈唔知喺呢個泳池游水有咩感覺呢？

Rose Ma扮不知火舞霸氣又性感，難怪一眾fnas咁鐘意佢。

唔只今次本寫真集，其實連平時嘅佢都係走日系風格。

2. 松岡李那《I’m Yours》

過江龍「蜜桃胸」日模松岡李那大玩男友視覺同本土風情。走遍香港大小角落包括旺角菜街，大牌檔等等。佢更加希望銷量衝破五萬本。唔知你地又肯唔肯做佢男朋友幫佢完成呢個目標呢？

寫真集以日本現時流行嘅男友視覺拍攝，松岡李那表示希望讀者可以透過寫真集同佢拉近距離，感受佢嘅生活空間。

行半透視「股」惑！

寫真中除咗水著仲有內衣同小背心嘅造型。

好「胸」狠！

其中一個拍攝地點係旺角(MK)，松岡話覺得呢度夠晒貼地，而且充滿香港地道文化色彩。

松岡李那前年曾為宣傳《櫻桃小丸子》真人版電視劇，而扮成「野口同學」出寫真，今次推出第二本寫真集，佢話希望銷量可以衝破5萬本。

之所以揀香港取景係因為佢覺得呢度係佢事業嘅轉捩點。好多謝你咁愛我地嘅屋企，你嘅精神值得學習。

松岡去沙灘都會影多幾張泳衣相大show身材！

你又支唔支持性感同高貴於一身嘅松岡呢？

3. 沙律 X Kimi《閨密遊記》

去旅行其實去邊真係唔太緊要，最重要係邊個同你去。今年沙律（張沛樂）同Kimi（趙詠瑤）就親身帶我地由台北玩到落台南，當中仲有一部份相突破二人底線。除左靚相，書中仲會介紹兩人認為值得去打卡嘅景點。如果男朋友帶呢本書去台灣做旅遊書，希望女朋友唔會嬲啦，佢都係想搵個好地方幫妳影靚相咋。

話就話叫沙律，不過睇嚟鍾意雪糕多啲啵！

扮日本學生妹同樣令人噴血啊！

4. 楊嘉文 《My Double May》

H for Happy 定 for Hot 可能每個人答案都唔同。但係 H for 楊嘉文就應該冇人會反對。32H 楊嘉文 Kana 今年就用寫真同大家重拾青春。因為每個人身邊總會出現過好似楊嘉文咁嘅女仔。青春總是美好的，就算你錯過左都唔緊要，今次 Kana 就走均公園，巴士，機舖等貼地場景，同大家展開一場尋覓青春之旅：

Coser出身嘅佢成日同大家分享佢嘅好身材。

有啲咩宣傳好得過同自己做生招牌？

5. 伍倩彤《Find Me In Praha》

第四代「邦民女」伍倩彤今年推出處女寫真加入戰場。佢唔玩青春少女風，而係遠赴布拉格用十日事間展現性感貴氣。聽聞當時布拉格凍到落雪，喺嚴寒下 Gillian 都保持專業真喺辛苦曬！

Gillian平時都好鍾意戶外活動，成日係Instagram分享佢啲泳衣照。

下面張相完全顯示到佢充滿活力嘅一面！

6. 甄詠珊《惡人菊 CHANGE 甄詠珊》

又係一個年紀不是全部嘅好例子，經歷真係可以改變一個人。女子組合 Freeze 前成員甄詠珊以 37 歲之齡，更請埋著名攝影師葉青霖門生金永峰操刀，去到歐洲拍攝。依本寫真對佢嚟講並唔係一本相集咁簡單，Carsia 更加希望大家睇到佢一直以來嘅蛻變。

寫真中有甄詠珊喺巴塞隆拿沙灘影嘅水著照。

落重本搵來葉青霖的門生之一金永峯擔任攝影師。

又喺倫敦的士內著上型格內地，大玩黑絲誘惑。

喺寫真集中換咗超過十個造型。

甄詠珊仲喺寫真中執筆寫短句，並邀請咗佢嘅偶像郭晉安同《果欄》拍檔岑麗香幫手寫序。

寫真集名為《惡人菊CHANGE甄詠珊》，甄詠珊表示：「希大家睇到我一直以嚟嘅蛻變。」

盡展熟女的誘惑！

拍緊TVB劇嘅時候有種成熟女人味。

大概所有女人都希望37歲嘅時候都可以好似甄詠珊咁有個good body！

7. 簡幗儀 《This is Lilian for u》

今年已經30歲嘅Lilian Kan推出佢第四本寫真散文集，身為時裝設計師嘅佢同為模特兒，保持良好體態。今次寫真集封面條裙勁有taste，仲有人留言話「好有時裝雜誌封面feel」！

身為設計師嘅Lilian成日都分享佢著啲富有設計感嘅靚衫靚裙。

睇完fashion show之後仲會同大家分享感受同分析，好有心機啊！

8. 楊思琦《Miss Szeki 2018》

年紀從來唔係問題。貴為寫真戰中嘅前輩，40 歲嘅 2001 年港姐冠軍絕對唔比後起之秀輸蝕。今年將會推出首本個人寫真集，更去到馬來西亞景影足五日四夜 。童顏加上 34D、25、34 嘅噴血身材仲邊有得輸？

五日四夜取景拍攝，換上差不多20套靚衫，當中不乏小背心、泳衣、睡衣等性感造型！

童顏依然 噴血身材依然

楊思琦多年樣貌身材都keep得非常好，34D、24、34身材噴血依然，出名童顏的思琦仲係成個後生女咁，實在令人羨慕！思琦回覆傳媒時表示以前一直想推出寫真，為青春留倩影，不過以前在TVB時未有機會。剛巧有出版社早前搵佢，所以就一拍即合！

Sell美感 非賣弄性感

楊思琦又稱今次拍攝過程都頗為辛苦，因為要由朝曬到晚，幸好拍攝效果相當理想，攝影師將自己最靚、最自然的一面呈現出來。思琦同時強調寫真集唔係賣弄性感，而係以美感為主；另外亦有文字配合，跟讀者分享自己在不同階段的成長及內心世界。

收益捐給慈善機構

楊思琦今次寫真集賣到幾多本唔係最重要，最主要係完成到一件自己多年來想做的事，而且寫真集扣除成本後的收益將會捐給慈善機構，可謂一舉兩得！