ZARA全新無性別Ungendered系列! 以後男女可交換衫著

呢個系列有十款男女都啱著嘅中性服裝，呢個概念超越男、女裝概念之分，以後去行街可以同步睇衫買嘢啦，一齊去睇吓呢啲無性別之分嘅中性衫，襯返套情侶裝又得，男女朋友交換衫著亦得，又潮又慳錢！

Ungendered 系列嘅服飾包含基本款嘅T-shirt、hoodies、運動褲、牛仔褲、背心等，款色簡單，呢啲款不論男女都容易carry到！Ungendered 系列服飾於ZARA官網已經有得賣啦！

講到中性裝，以前就會有好多女仔都擔心會無cutting，著出嚟無線條，但隔住oversize風格越嚟越流行，女穿男裝更見style；而男穿女裝可以話係難上加難，除咗款式之外，著唔著得落都係一個問題，Zara呢季嘅衫就以寬衫版形加單色設計，講到明，男女都著到之餘，仲可以體現到男女仔著一款衫都有唔同效果！睇吓model嘅完美示範先！

網民睇ZARA呢個「無性別」系列可以話係有讚有彈，有網民表示意念不錯，可以交換衫著，支持環保，亦有網民就討論呢個系列只係商業噱頭，「無性別」概念喺時裝界一早已經有，更有外國網民就提議ZARA門市可因應推行「無性別」系列而開設無性別之分嘅試身室，唔知你又點睇呢？
沈旭暉教授：「無性別」是西方越來越流行的概念，這系列design背後展露的價值觀，比強調男性主義、女性主義的人都超前，而且最大好處是可以交換衫著，減少要買衫的藉口，無限推薦

最後提一提大家，這個Ungendered collection已經可以於ZARA官方網頁售賣。記者試買一次時，見到大家只要買滿$400就會免運費，並於3-4日運到。

ZARA Ungendered 系列

購買官網：ZARA.com

 
延伸閱讀：
Converse × AndyWarhol 普普光復 【銅鑼灣】
瘋搶斷市!! YSL史上最強Cushion粉底! 啞緻持久適合潮濕香港
HappySocks × BBC 人氣聯乘單位 【上環】