Figure教父發軟功 啟發港豬低頭族 |銅鑼灣好去處|
錯，今次佢還原基本步，專注在最擅長的油畫及雕塑。Michael Lau眼見人人沉迷科技變低頭族，睇唔過眼決定出手。誓要再教育港豬低頭族，反思「What We Want 」。
不再硬膠 變「海綿寶寶」
今次教父唔玩搪膠玩海綿，展出13幅的畫作及9呎高雕塑，分別以海綿畫成及製成海綿狀表面。Michael用上海綿作媒介是因感到在Big Data世代中， 我們過於依賴平面社交（2D Socializing）。人腦變得像海綿般吸收大量資訊，但同時又很快流走，故希望把其質感融入展覽主題。
展場有8個雕塑，每隻坐著一個電話icon，正正道出都市人依賴科技。
人到中年 創意不死
今次是教父第五次個人展，主題「what? we: want! 」正正諷刺都市人迷失於www 世界。你問我難道教主沒有IG、Facebook？我可以肯定答你有，但他不假手於科技，作品從草圖到落刀一刻全人手製作。他笑言人到中年需要改變，唔再只玩公仔咁悶。問到未來大計，他說：「想做深入點、藝術成分高啲的。個人展就是做自己喜歡的。」他今次加入大量中國水墨元素，色調黑白紅，大量留白， 令主題更突出，還特別用上國畫印鑒crossover 「#Hashtag 」。港豬們覺得難明？藝術嘅嘢，凡人如我也許只識條鐵，不過教父久違的個人展你一定不可錯過。
油畫佬玩膠公仔起家
係人都知Michael Lau男人老狗玩公仔玩到衝出香港，不說不知他原來是玩油畫出身。曾在93及96年舉辦過2次平面畫個人展的他，至99年因Gardeners紅爆才主攻搪膠公仔。叫得Figure教父，十多年來創出過百款Gardeners公仔，勁到幫籃球之神Michael Jordan創作Wall ofJordan，MJ更親自到訪欣賞，並為畫作簽上大名。
Michael Lau Exhibition V: what? we: want!
日期：9/3-31/3（10am-10pm）
地點：銅鑼灣時代廣場Living Room Museum（顯示地圖）
