2個轆踩入林村 「運桔」行程攻略 |新年遊懶人包|
落手落腳落田揀 年花即買即摘
提到大埔林村你可能只知許願樹，其實林村範圍甚廣，內裡包含了20多條村落。部分村民經營花場務農維生，在新年推出年花應市。今次走到賴生賴太主理的順發花場，由大埔租車後一直踩到林錦公路，經過林村許願樹再踩十分鐘便到達新塘村，花場就在巴士站旁，而且老遠也見到花場的巨型招牌，不太難找。賴生夫婦種植年花已有三十年，雖都是大路花種，但勝在即買即摘，保證新鮮。人又友善有問必答，包唔會「呃秤」。花場主賣小型年花，啱晒無車人士輕鬆買走。記者上星期到現場睇過，桃花、菊花等剛開始開花，賴太說近日天氣回暖，相信在新年會「開得切」，叫大家放心慢慢揀。
長形的桔像車厘茄十分有趣，另有小盆的四季桔，售$250。
順發花場
地址：大埔林村新塘巴士站（顯示地圖）
查詢：5620 3660（賴太）/ 9368 7839（賴生）
由大埔踩單車入林村要途經太和，聽街坊說那裡有個綠草秘景，是打龍好去處。難得覓得靚景，當然要帶女神踩單車影靚相，一踩入梅樹坑公園範圍便見到綠草秘景，原來是林村河的排水道，因平日河水流量不多而長滿青草，配上兩旁樹蔭形成綠野仙境，影相一流。秘景有一片無盡青草，中間更有一條彎彎曲曲的小河，女神「齋企」都已經仙氣爆燈，最好把單車也推下去作拍攝道具，草地配單車文青味即時湧出。不過小心地面不平，雨季後河水更有機會滿溢，故較適宜旱季內進。
太和舊街市翻生 最強補給站
踩單車沿路補給最重要，可惜一入林錦公路就食店欠奉。幸好太和街市兩個月前裝修後重開，雖然「被領展」失去了風味，卻帶來了一點新鮮。街市翻新後有不少新食店進駐，日式台式任君選擇，踩入林村前不妨先補給一下。
街市尋食 在地台味
最突出要數主打台式小食的有臺營，小食如蚵仔煎台味十足，味道正宗，更有不少台式便當，是街市內的小清新。
即炸薯台式熱狗，較油膩及吃完後較飽滯，但味道不錯。
跟香港吃到的不一樣，以薯粉製極煙韌。
有臺營
地址：大埔太和街市6號舖（顯示地圖）
營業時間：9am-11pm
啖啖肉巨人豬手
食肉獸唔夠飽必試巨人泰王豬手，大大隻份量足，配上泰式醬汁很開胃。性價比高，不少街坊都買返去加餸。
伴吃的泰式酸辣醬汁辣味較重，豬手份量足夠三人分享。
豬手王
地址：大埔太和街市65號舖（顯示地圖）
營業時間：9am-8pm
太和名物 黃金炸髀
一場去到太和必食名物三多雞髀， 新開的分店味道跟總店一樣，但營業時間提早了，方便又就腳，醫飽肚就可以繼續上路。
味道跟總店一樣，皮脆多汁。
（下）豉油炒腸粉 $32
