夏天去海邊! 6個「人少少」 隱世沙灘 推介!
廣告
正所謂「每到夏天我要去海邊」，天氣開始熱太陽又咁猛，唔去海邊仲等幾時？不過香港地周圍都係人，要避開人潮、靜靜地曬太陽都唔容易，今次就介紹返6個人少少嘅 隱世沙灘 ，雖然花多咗交通時間，但係可以享受吓遠離煩囂嘅感覺。
6大 隱世沙灘 推介
1. 明星避世之選 西貢三星灣
位於西貢嘅三星灣，水清沙幼，可以清楚望到海底，環境唔算大但係勝在人少，所以都成為唔少明星避開人潮曬太陽之選。
歌手何韻詩早幾年就曾經喺呢度舉行過生日會，而筆者亦曾經見過疑似陳奕迅出現喺三星灣。
行入少少，仲可以去埋四疊潭，有唔少外國人都鍾意嚟呢度，不過就唔建議大家跳水喇，始終存在一定風險。
連周柏豪都喺度拍過MV！
交通：於西貢乘坐的士到西灣亭（約$100），再步行約45分鐘（顯示地圖）
3. 船P勝地 西貢浪茄灣
西貢真係好多靚沙灘，浪茄除咗係露營勝地之外，浪茄灣亦都係個人少少嘅靚沙灘。由東壩出發，行到浪茄灣大約45分鐘，沿途風景宜人，影相一流！
交通：於西貢乘坐的士到東壩（約$100），再步行約45分鐘（顯示地圖）
4. 影靚相最啱 亞公灣
亞公灣入口處被林木遮蔽，由碧濤花園旁邊樓梯，步行5分鐘就到。亞公灣係牛尾海內灣，雖然沙灘唔大未必適合曬太陽，但係就非常適合影靚相，而且位置向東，係理想睇日出地方。
交通：於坑口乘坐11號小巴前往坑口道迴旋處，再步行約30分鐘（顯示地圖）
5. 南丫島蘆鬚城泳灘
除咗西貢，離島亦係另一個選擇，南丫島嘅蘆鬚城泳灘，距離碼頭比較遠，由碼頭出發，要花40分鐘以上先會行到，所以比較少人，而且向住西面，曬完太陽仲可以睇埋日落添。
Ason（@ason325）張貼的相片 於 張貼
交通：於中環4號碼頭乘坐前往南丫島的渡輪，再步行約40分鐘（顯示地圖）
6. 大嶼山上長沙泳灘
長沙泳灘係香港最長嘅海灘，全長3公里，分為上長沙同下長沙泳灘，水清沙幼而且人少，可以靜靜哋聽下海浪聲、睇住書咁曬太陽。
交通：從梅窩碼頭乘坐1號、2號、4號或A35號巴士前往長沙村（顯示地圖）
