二人成團！霓虹燈+民族風露營主題 新開銅鑼灣 Party Room 影靚相！｜銅鑼灣好去處
撰文：Daphne、Keith｜攝影：Day
二人成團！ 銅鑼灣新開 Party Room 影靚相
The Roomss位於銅鑼灣SOGO旁邊，地鐵站出口只需要步行數分鐘的路程便可到達，地點就腳。這裡總共有4間主題房，包括有香港特色霓虹燈的「Causeway Bay」房、民族風露營的「Camping」房、最適合用大熒幕睇戲的「Movie Movie」房和文青簡約風的「Wooden」房，最少只需要兩個人便可以包一間房。除了有多個影相位，場地更有齊Switch、PlayStation 4多款最新遊戲，更有The Roomss自家製的團體遊戲App，約成班朋友嚟玩全日都得！
01 霓虹燈主題房「Causeway Bay」 睇盡銅鑼灣鬧市街景
此房間以香港特色霓虹燈為主題，當中最受歡迎的影相位必定是這個露台位，有大大個「香港製造」的霓虹燈任你影。在這裡一邊同班朋友吹水，一邊睇住銅鑼灣鬧市景色，別有一番風味。
房間空間雖然不算太大，亦可以勉強夠容納10個人。設備齊全，有齊電視、PS4、VR，更有麻雀枱，叫埋朋友來這裡打足四圈都得！
主打自家製團體遊戲App 多士爐最好玩！
The Roomss的店主落足心機，自家設計了一個團體遊戲App，共有8款團體遊戲。店主連講述遊戲玩法的搞鬼配音都自己錄埋，真係要寫個服字畀佢。當中以多士爐最好玩，參加者要各自利用遊戲App抽籤選出一個身體部位，然後利用該身體部位接實從多士爐彈出來的麵包，同異性朋友嚟一定要玩，包你玩到唔想走。
02 民族風露營主題房「Camping」最chill露營體驗
邊個話露營一定要去荒山野嶺？在這間「Camping」房，想體驗室內露營完全無難度！這裡的布置令你有如置身波希米亞風的帳幕內，女生們約埋閨密來這裡影相就最開心。
03 無印風小清新 主題房
第3間主題房名為「Wooden」，是間用上木裝潢的日系小清新房間。內裡擺放了綠色植物、小木茶几、小清新油畫等等，走進去就像身處無印風的日系房間中，身心都放鬆。而且地上放有牛仔布坐墊，夠「日本」又夠厚身，很好坐。房間最多容納4人，適合情侶或閨密休閒一下，玩下輕鬆Board Game，而且影相也一流。
04 大銀幕電影房 睇戲打機
不過不是每個朋友都喜歡霓虹燈、小清新的影相友。如果是男士居多或女漢子為主，推介最後這間「Movie Movie」房，這裡是Party Room最大的房間，可容納6-8人。內有高清巨型投映器，可以自攜電影上去解悶，亦可把PS4或Switch投映在50吋的銀幕玩，視覺效果爆燈。不過這間房間影相位欠奉，同女神或娘娘去免了！
記者點評：
這家銅鑼灣的Party Room面積不大，內裡一開四的劏房式間隔很適合2-6人的小型聚會，要知道不是次次都能約到十多人大搞聚會。小型Party Room正正適合情侶、閨密及學生使用，而且價錢不算貴，又有靚影相位！
THE ROOMSS
地址：銅鑼灣駱克道520號3樓（顯示地圖）
電話：6339 9593
開放時間：1pm-11pm
收費：
星期一至四： 1pm-6pm 每小時$40/人；6pm後 每小時$50/人
星期五至日或公眾假期 ：1pm-6pm 每小時$50/人；6pm後 每小時$60/人
備註：人頭費包括一份飲品；由現在至11月出示學生證可以享有9折優惠
網站：theroomss
延伸閱讀：
