香港人不寂寞! 逾6千萬人粵語為母語
廣告
號外！號外！原來粵語文化弘揚國際，We are not alone。香港固然係多人以粵語為母語，但繼香港第二多，竟然係馬來西亞。其實都唔係咁驚奇，因為有長輩都講過自己走難到馬來西亞，再落嚟香港（好似係）。或者可能記錯咗，但亦有人話馬來西亞有段時間需要大量勞工，好多華人被引進做苦力，慢慢將粵語帶到當地。
馬來西亞嘅官方華語學校規定咗，只可以教授華語普通話、馬來語、英語。不過都仲有好多人識講粵語，後生一輩就話先輩祖藉廣東，主要用粵語溝通，所以有時都要逼住聽同講。但呢啲都係關歷史事，有自稱馬來西亞嘅網友就話，如果唔係有香港電視節目輸入當地，又以原音播放，粵語都冇咁普及。一句講晒，今次長知識了。
雖然呢個統計唔算全面，起碼冇計到美國華僑，但正正突出粵語文化嘅國際存在感。除咗香港、大陸，仲有其他亞洲地方，甚至北美洲都有人以粵語作母語，淨係喺三藩市唐人街行下，粵語多到你以為自己喺香港，真係開心過開心大發現。而其他地方華人主要係移民、營商等因素到外地。總而言之…粵語萬歲！
延伸閱讀
