這一天我們會飛！馬鞍山滑翔傘賞芒草！【馬鞍山好去處】
同平時行山一樣，都係需要由馬鞍山村開始行上去，大約40分鐘就可以行到，不過今次就比較有挑戰性，因為要孭埋滑翔傘嘅裝備上去，好彩重嘅行李都由教練負責，我哋呢d初哥只需要幫手拎少少配件就得。
上到昂平高原就會發現好多滑翔傘愛好者。
每逢秋冬，昂平都會開滿芒草，今次我哋選擇飛上天睇！
喺起飛之前要先簽「生死狀」。
教練阿星話因為昂平呢度有一個大草原，所以普遍情況都可以做到原地升降，比較方便。
參加雙人傘體驗嘅朋友仔，事前並唔需要特別上飛行課程，只需要安坐於前座，聽從教練指示，就可以輕輕鬆鬆飛上天。
喺上空望落昂平高原，俯瞰呢一大片芒草原，真係好震撼。
喺教練嘅專業指導下，仲可以試吓一齊控制左右添！
X-FLY香港滑翔傘學會 – 雙人滑翔傘體驗
電郵：[email protected]
電話：6170 6615（阿星教練）
費用：$1400（10-20分鐘）
