賀年裝比卡超+和服小丸子! 5大卡通主題新年活動
1. 比卡超現身 新蒲崗日式祭典
喺今個農曆新年，都可以體驗一下日式祭典。著上賀年新裝嘅比卡超帶埋火焰猴出動，陪大家過新春。Mikiki嘅日式節慶場景當然唔少得有日本傳統節慶活動必定出現的太鼓台、綵燈牌坊、日式小食攤檔等，仲特設Nintendo 3DS主題遊戲專區及Pop Up Store，出售多款日本限定寵物小精靈精品，實行玩得又買得。
逛完比卡超新年祭典仍意猶未盡，市民還可到場內新春限定商店，挑選合意比卡超萌爆禮品，於新春伊始滿載而歸。
比卡超粉絲們仲需要留意一下！商場內嘅Geláre餐廳同時推出左比卡超造型食品，包括有芒果布甸、蛋糕、咖啡、熱朱古力。
比卡超同火焰猴仲會係2016年1月31、2月6-7、2月10日及2月13-14日既下午2點至4點現身商場，同即日消費滿$200既粉絲們合照一張～ 而且亦可以用電子貨幣消費滿$250，換領比卡超利是封，新一年齊齊PikaPika。（利是封換領由即日至2月7日）
*以上所有圖片為官方相片
「Mikiki x 寵物小精靈Pika新年祭」
地點：新蒲崗Mikiki地下中庭（顯示地圖）
開放日期：即日至2月22日
開放時間：12nn-10pm
電話: 3980 9930
Geláre
地點：新蒲崗Mikiki G02A號舖（顯示地圖）
農曆新年，最溫暖就係一家人團拜，感覺就好似見到小丸子一家咁～小丸子全家今年就嚟到皇室堡及東角過新年，仲同一班馬騮喺銅鑼灣浸玫瑰溫泉。同場仲有小丸子及花輪同學戀愛神社、小丸子幸福達摩像、 快樂旅館及Pop Up Store，俾大家周圍影，四圍買！
小丸子與家人到訪玫瑰溫泉，入住附近的幸福旅館。
新年時節，豈能不到神社祈福？小丸子和花輪同學亦會伴着大家到戀愛神社，希望大家有更幸福更快樂的一年。
達摩是日本人常用的緣起物，今次小丸子化身成達摩，就是希望新一年大家幸福滿載，夢想成真！
遠道由日本嚟港嘅小丸子、友藏爺爺同花輪同學，仲會換上賀年裝，喺1月31日及2月7日既下午2點至5點，免費同粉絲合照～另外仲會搞兩場限定見面會，化身財神嘅爺爺會喺2月7日下午6點，喺東角正門同大家拜個早年。而適逢2月14日情人節，小丸子同花輪同學就會喺情人節當日下午4點搞見面會，分享甜蜜～
而粉絲們喺皇室堡以電子貨幣消費滿$800或$1500，就分別可以換領限量小丸子利是封或旅遊收納袋套裝，換完即止。（利是封換領由即日開始；旅遊收納袋套裝換領由2月8日開始）
*以上所有圖片為官方相片
皇室堡 x 櫻桃小丸子 玫瑰溫泉物語
地點：銅鑼灣皇室堡地下中庭（顯示地圖）
開放日期：即日至2月28日
開放時間：10am-10pm
電話：2895 0668
東角LAFORET 小丸子見面會
地點：東角 LAFORET 正門（顯示地圖）
電話:2504 0188
3. 芝麻街 經典重現數碼港
新年行過桃花大運，全年人緣運就會激增，人見人愛到好似一班芝麻街朋友咁～一行入數碼港商場，就會見到一個4米高巨型Elmo充氣公仔座登場，祝大家「紅」運當頭，更會重現芝麻街入面經典街道，Elmo、Big Bird、Cookie Monster等等芝麻街成員更換上新裝，聚集充滿新年氣氛既大屋內，陪大家過年。
每逢星期日下午3點至5點，Elmo都會搞個見面會，同大家慶祝新年。而商場仲會喺即日至2月6日嘅星期六及日，下午1點至6點，開放揮春自助設計站，俾大家免費設計個人芝麻街賀年揮春～ 當然亦有芝麻街利是封俾大家換領，更有經典版及限量別注版兩款，分別以電子貨幣消費滿$100或$1000換領。（經典版換領由即日開始；限量別注版換領只限1月30日至2月7日的星期六及日）
*以上所有圖片為官方相片
數碼港商場《新春樂聚芝麻街》
地點：數碼港商場 – 全天候廣場（顯示地圖）
開放日期：即日至2月22日
開放時間：10am-10pm
電話： 3166 3111
4. OSARU NO MONKICHI馬騮仔 玩到去尖沙咀
猴年其他地方可能有足金金猴～ The ONE就有Sanrio嘅馬騮仔OSARU NO MONKICHI玩樂園！「蕉」氣勃勃嘅馬騮仔帶埋至愛香蕉，設計樂園以黃色為主調嘅佈景，擺放咗好多得意立體裝飾，包括馬騮仔巨型頭像燈箱、巨型香蕉屋、放大版扑傻瓜機、迴旋木馬連滑梯等等，樂園認真好玩，仲有香蕉香味嘅特別效果～
想收到節日祝福的話，就要留意商場會不時派節日食品～逢星期四及五晚上7點到9點，商場會送出內藏祝福語嘅幸運曲奇；而逢星期六，馬騮仔就會即場製作香蕉味棉花糖俾大家，喺2月14日情人節當日，棉花糖更會變為花形～喺1月31日下午3點至6點，仲會派馬騮仔嘅最愛…香蕉！
鍾意馬騮仔的話，可以用電子貨幣消費滿$800或$1500，分別換領馬騮仔「蕉」財利是封或玩樂咕𠱸～（利是封換領由即日開始至2月7日；玩樂咕𠱸換領由即日開始至3月8日）
*以上所有圖片為官方相片
「The ONE‧OSARU NO MONKICHI蕉財進寶玩樂園」新年裝飾
地點︰The ONE UG2中庭及地下露天廣場（顯示地圖）
開放日期︰即日至2月28日
開放時間︰10am-10pm
5. Monchhichi 騰雲駕霧落旺角
來自日本嘅Monchhichi喺農曆新年學咗72變，化身成《西遊記》中11個人物造型，包括美猴王、唐僧、豬八戒、沙僧、皇母娘娘等等，出現喺旺角朗豪坊。每個造型都有一個獨立場景，搞怪趣緻嘅Monchhichi一定可以令大家開開心心！同時，亦有Monchhichi精品嘅Pop Up Store，賣毛公仔同溫暖小襪等等，陪你過新年～
這是屬於Monchhichi四師徒 ── 唐三藏、悟空、豬八戒與沙僧的聚寶洞！
來到悟空Monchhichi結拜兄弟牛魔王的府邸，是想要借鐵扇公主的芭蕉扇去撥熄火焰山的八百里火焰嗎？實情是大家與紅孩兒的新年願望一樣，想借芭蕉扇一用，去廚房撥行火爐，煮餐超級豐富的團年飯！
悟空換上齊天大聖的造型，向玉皇大帝及皇母娘娘乖乖拜年去！皇母娘娘準備以蟠桃招待，誰知悟空還是改不了頑皮的性格，偷偷跳上了玉帝的龍椅，氣得玉帝七竅生煙。
粉絲可以消費滿$500並參加「新春大抽獎」，換取Monchhichi「八面威『封』」利是封～（利是封換領由即日開始至2月10日）
*以上所有圖片為官方相片
朗豪坊「Monchhichi西遊記之金猴獻桃」
地點：朗豪坊4樓通天廣場（顯示地圖）
開放日期：即日至2月28日
開放時間： 11am-11pm (年廿七至廿九延長至凌晨1時，初一至初三照常營業)
電話： 3520 2800
延伸閱讀：
8大文藝年宵！文青潮撐土炮手作小品！
周末遊懶人包|限定導賞華富邨！莫待清拆成追憶
