聖誕必去浪漫靚景！9個Instagram打卡熱點
飄雪類
打卡熱點1：D2 place超浪漫飄雪花園！
踏入十二月，四周都充滿聖誕氣氛。荔枝角D2 place呢個超浪漫飄雪天台花園，打卡一流！場內有一個3米高的巨型水晶球，旁邊會襯托住聖誕裝飾，最重要係有多部飄雪機，大家就可以睇到漫天飄雪，超浪漫啊！
浪漫度：✭✭✭✭✭
影相位：✭✭✭✭✩
抵去度：✭✭✭✭✭
評語：風向非常影響飄雪效果，所以要捉緊時機，一見飄雪迎面飄落，就要準備好相機影相啦。
打卡詳情
日期：2015年12月5日開始，每個星期六和星期日，12月24 – 31日
時間：18:00-22:00
地址：長沙灣長義街9號D2 Place天台花園（顯示地圖）
費用：免費
打卡熱點2： 全港首個冰上雪地！溜冰x飄雪最浪漫
想過一個浪漫聖誕？咁一定要去太古城！可以一路睇雪一路拖著手仔圍著20呎高聖誕樹溜冰，體驗白色聖誕的浪漫時光！喺12月17至24日，有多場國際級溜冰匯演，邀請咗外國同本地獲獎的溜冰高手大顯身手！
浪漫度：✭✭✭✭✭
影相位：✭✭✭✩✩
抵去度：✭✭✭✭✩
評語：一路溜冰，一路感受飄雪，非常浪漫！
太古城中心
地址：太古城中心一樓冰上皇宮（顯示地圖）
日期：即日起至2016年1月1 – 3日
時間：11am – 9pm（每半小時一次）
費用：不同時段有不同票價，詳情留意太古城網站
打卡熱點3：有得影相有得玩！黃埔雪感聖誕玩樂園
未滑過雪嘅朋友，今次有福了！因為黃埔天地聖誕搞咗個雪感聖誕玩樂園，喺室內以人造雪打造成樂園，有得玩雪同坐雪兜，另外仲有工作坊整下聖誕卡同掛飾等，名符其實有得影相、有得玩！不過留意返，個活動係比小朋友嘅！
浪漫度：✩✩✩✩✩
影相位：✭✭✩✩✩
抵去度：✭✭✭✭✩
評語：活動只適用於小朋友，12歲以上就無得玩，只可以喺外面影下相！
打卡詳情
地址：黃埔新天地時尚坊地庫（顯示地圖）
日期：2015年12月25 – 27日，2016年1月1 – 3日
時間：1pm-6pm
費用：
1. 於黃埔新天地任何商舖消費滿港幣$100或以上之即日單一機印發票，可參加其中一項活動。
2.消費滿$200或以上之即日單一機印發票，4 – 12歲小朋友即可參加其中一節聖誕手作坊。
備註：身高限制0.8米至1.4米
燈飾類
打卡熱點4：極浪漫！香港的5000朵玻璃花海！
宣傳都講明「光是浪漫 已經足夠」，60米長嘅玻璃花海，由著名玻璃藝術家製作超過5000朵玻璃花打造而成，夜晚著晒燈真係好浪漫！
浪漫度：✭✭✭✭✭
影相位：✭✭✭✭✭
抵去度：✭✭✭✭✭
評語：入夜之後真係好靚，但係始終光線不足，人樣會比較唔出，如果又想影到燈光效果，又想影得清個靚樣，就建議大家黃昏去，把握差唔多天黑嘅嗰10-20分鐘，咁就可以又影到天黑效果，又影到樣喇！
打卡詳情
地址：沙田新城市廣場1期7樓星光花園（顯示地圖）
日期：2015年12月3日至2016年1月15日
時間：12nm – 22pm
查詢電話：2684 9175
打卡熱點5：愉景灣過歐陸聖誕 睇巡遊
聖誕節想有d歐陸氣氛唔一定要去旅行，喺香港都可以搵到呢種感覺！新假期有博客就推介愉景灣嘅星願聖誕！
Blogger話：發覺愉景灣都係一個唔錯嘅選擇，貪佢人夠少又有外國聖誕氣氛。聽講今年愉景灣啲聖誕燈飾好靚，好多人post咗相。於是上星期入咗去探路，仲打聽到佢哋今年有個與眾同樂嘅巡遊，Travel佳即刻炮製咗個聖誕一日遊，希望同另一半喺香港過一個歐式聖誕。
浪漫度：✭✭✭✭✩
影相位：✭✭✭✭✭
抵去度：✭✭✭✭✭
評語：愉景灣有歐陸氣色，有燈飾、有表演、有餐廳，唔洗同人逼，抵去嘅！
打卡詳情
D’Deck聖誕巡遊
地點：D’Deck臨海美食區及愉景灣碼頭（顯示地圖）
日期：12月24至26日（星期四至星期六）
巡遊時間：2場，6:30 pm & 8:30pm
（巡遊表演隊伍喺3:30p.m.起會同大家見面拍照留念）
打卡熱點6：海港城亮燈！ 鬧市中的迪士尼聖誕大街！
海港城每年嘅聖誕佈置都好有保證，一年靚過一年，今年仲同迪士尼合作添！今年以「Happily Ever After」聖誕大街為主題，將海運大廈露天廣場幻化成一條大街，左右兩旁全部都係一間間屋仔佈景，窗口仲有唔同卡通人物嘅剪影！
浪漫度：✭✭✭✭✩
影相位：✭✭✭✭✭
抵去度：✭✭✭✭✭
評語：的確有置身於迪士尼嘅感覺，好夢幻，可惜太擠逼！
打卡詳情
地址：海港城海運大廈露天廣場（顯示地圖）
電話：21188666
網址：www.harbourcity.com.hk
紅葉類
打卡熱點7：元朗 大棠郊野公園
聖誕唔一定要同人逼嘅，去郊外呼吸新鮮空氣都係一個好選擇！位於大棠郊野公園的楓香林，一到冬季肯定會充滿賞楓的人群，聖誕未諗到有咩做，可以去影吓相同摘士多啤梨，夜晚仲可以去BBQ添！
相片：Travel With Stella (連結)
浪漫度：✭✭✭✩✩
影相位：✭✭✭✭✭
抵去度：✭✭✭✭✭
評語：去一去都用咗成日，唔洗再諗活動，又有得打卡，不過可能會多人。
打卡詳情
地點：大棠郊野公園（顯示地圖）
前往方法：到西鐵線朗屏站轉乘港鐵巴士K66，至總站下車，行走15分鐘便會看見大棠郊野公園入口
打卡熱點8：根德花園 恬靜賞楓
如果你喜歡恬靜少人的地方，根德道花園就一定滿足到你！位於理想酒店舊址後面，地理位置佔盡優勢，因為九龍塘站一出行幾步就到。花園內的紅楓樹一排列於旁邊，就好像一條道路。可能因為面積小和不有名的關係，大部份時間都只有很少人會來，適合單獨或二人遊覽。打完卡又方便去食飯！
浪漫度：✭✭✭✭✩
影相位：✭✭✭✩✩
抵去度：✭✭✭✭✭
評語：人少少，又方便，影完相去食飯就啱！
打卡詳情
地點：根德道花園 (顯示地圖)
前往方法：港鐵九龍塘站B出口步行5分鐘
打卡熱點9：青衣公園 紅羽飄飄
青衣公園備人工瀑布、荷花湖泊、花影處處，係街坊的呼吸晨運勝地，每年冬天湖邊的落羽松及水松呈黃橙色及暗紅色，針狀葉子微微下垂，落葉時如羽毛般飄落。加上大葉欖仁樹同樣紅卜卜，咁有意景，難怪吸引不少龍友全副武裝採圖！喺紅葉下野餐，一定非常浪漫啦！
