海洋公園7大聖誕景點！必睇溜冰表演

1. 萬花筒冰上匯演 位置：海濱樂園 怡慶坊
冰上匯演係海洋公園今年聖誕主打節目！活動以光雕投影技術呈現炫目奇幻場景，令現場即刻變成萬花筒！今次邀請咗20幾位世界級溜冰高手嚟表演，會有唔同嘅花式溜冰同高難度動作！不過大家可能會諗，會唔會人多到排唔到隊睇唔到？大家可以放心，每日有4至5場，唔會咁都睇唔到掛～！

2. 萬花筒工作坊 位置：海濱樂園 威威天地
好睇好玩嘅物品，自然吸引小朋友嘅興趣，主題樂園今個聖誕搞咗個工作坊，家長可以同小朋友一齊整返個萬花筒，仲可以免費拎返屋企玩！

3. 聖誕面部彩繪 位置：海濱樂園 怡慶坊外
同好多外地主題樂園一樣，每逢大時大節都會邀請一些藝術家，為園內客人提供面部彩繪服務，讓大家玩都玩得投入啲！更有聖誕Feel！不過呢部份當然不是免費啦，價錢由$38至$158不等，視覺圖畫的面積而定。

4. 幻彩聖誕屋 位置：海濱樂園廣場
呢間聖誕屋，最啱鍾意影相甚至Selfie嘅朋友，屋內透過萬花筒圖案、聖誕裝飾及聖誕老人，製造聖誕熱鬧氣氛效果。呢部份相信適合有小朋友的家庭，如果你係一班大朋友的話，呢部份應該可以Skip喇！

5. 「點亮聖誕」慶典 位置：海濱樂園廣場
每日5點45分都會上演「點亮聖誕」慶典，現場仲有合唱團唱歌！簡單來說，呢個係一個影相位，聖誕樹一點～就亮！完～～但有一點真的要提提大家，由於呢棵聖誕樹有70呎咁高，所以如果想影晒的話，記得帶備一支廣角鏡鏡頭。

6. 鬼馬聖誕照相館 位置：海濱樂園廣場
雖然呢個照相館嘅意念，去年喺港島某個活動都出現過，但每次出現都會大受歡迎，影得非常開心！鬼馬聖誕照相館透過大型的鏡及聖誕場景，製造特別的視覺效果，瞓喺度都好似飛天一樣。

7. 聖誕老人與動物大使互動
呢部份真係體現到全球暖化嘅問題，因為聖誕老人不一定是在雪地見到，就連水底都有！呢個聖誕老人與動物大使互動活動，聖誕老人會出現在「南極奇觀」及「海洋奇觀」內，送上聖誕大餐…不是送俾你，而係水族館內的企鵝同魚兒，不過有得睇都開心嘅！

魚仔食完，作為客人嘅你點會無得食呢？海洋公園今次嘅聖誕套餐一共有4款食品，仲有推出其他小食同甜品，賣相都幾cute幾吸引！

今年聖誕，海洋公園推出全新「海洋快證」， $150可以喺指定機動遊戲同設施揀五次特快通行服務，咁就可以玩到更多景點喇！
海洋公園聖誕全城HOHOHO
日期：2015年12月12日至2016年1月3日
票價：成人$345；小童（3-11歲）$173
詳情：http://christmas.oceanpark.com.hk
萬花筒冰上匯演
日期：12月12日到2016年2月21日
（2016年1月4日至2月5日期間只於星期六日上演）
延伸閱讀
5大聖誕工作坊 日韓熱爆手工心意卡！
澀谷109香港店開幕！姊妹們10件必買items【尖沙咀好去處】