騎獨角獸「游」發光波波池 ！觀塘新開Party Room每人$35/hr起 ｜觀塘好去處｜
撰文：bu｜攝影：Lam Lam
發光波波池 觀塘新Party Room每人$35/hr起
裝潢偏工業風的Chillax Party開業一個月多，佔地1,200呎，記者目測足夠容納30人！玩樂設施，除了最吸睛及最深得少女歡心的發光波波池及獨角獸水泡，另外同樣吸引好玩的，還有具刺激感的自家製巨型層層疊，要戴上頭盔及拿盾牌玩，認真誇張！又有炒雪糕機可以免費用。對於一班打工仔，放工到場開始Party都要7、8點，玩得數小時不夠喉，想繼續留到凌晨甚至通宵的話，這裡一樣為你服務。
1. 必影！騎獨角獸「游」發光波波池
波波池採用透明波，池邊安裝顏色燈帶，最後折射出五光十色令波波池顯得好迷幻。燈帶除了有多個顏色，例如紅、淺藍、綠、粉紅、紫等，還可以要求轉換成淨色或是多色，同時有三種閃爍速度選擇，完全可以按個人喜好調較成最合口味的場景。面積約有120呎，而且深度亦大約去到記者大腿位置，非常有誠意！
2. 重量級！戴頭盔玩巨型木層層疊
這套由場地親自製造的層層疊，一開波已經約有1.3米高，不消一會兒已經疊高過1.6米高的記者，去到要爬梯玩！由於木頭重量十足，塌下來真的「唔小嘢」，所以玩之前都要戴頭盔確保不會揼親頭，另外還有防護盾做足安全措施！
3. 大熒幕玩最新Switch、看戲、唱K
Party Room當然少不了打機這環節，這裡就有最新的Switch及PS4 VR。除了可在大熒幕上夠過癮之餘，同一時間亦有另一部電視可玩PS4 VR，一大班人的時候就不用排隊等玩得這麼辛苦。
4. 氣墊球、桌球、乒乓球！波檯3合1
如果要同時間容納氣墊球、桌球、乒乓球3張波檯，現場無3千呎都搞唔掂，然而香港有這個空間的Party Room不多。這裡雖然只有約1,200呎，不過有這張波檯，只需轉動或加上組件後，一樣可以滿足大家想玩齊3款遊戲的願望。
5. 近20款桌上遊戲
玩完動態活動，當然亦有靜態的桌上遊戲可選擇，現場接近20款大大小小的桌上遊戲，總有一款啱玩。
免費玩炒雪糕機 雪櫃飲品任飲
這裡有用餐區及Bar檯區，有提供餐具，不妨嗌到會到場大吃一頓。而炒雪糕機可以免費使用，不過食材則要自己準備。現時只要讚好 Party Room的Facebook及Instagram，同時Share現場相片，就可以任飲雪櫃內的飲品。
Chillax Party
收費：每人$35／hr（星期一至四，10am-6pm）；每人$45／hr（星期一至四，6pm-翌日6am）；每人$45／hr（星期五至日、公眾假期及前夕，10am-6pm）；每人$55／hr（星期五至日、公眾假期及前夕，6pm-翌日6am）
25歲或以下全日制學生優惠：20人以下9折；20人以上85折；30人以上8折
備註：租場最少15人起
地址：觀塘成業街11號華成工商中心12樓1202室（顯示地圖）
Facebook：Chillax Party
