剩女也很光榮! SK-II新片感動全國單身女性！
廣告
「剩女」對於女孩子嚟講，係一組敏感嘅詞語。見住身邊好姊妹蜜運嘅蜜運、結婚嘅結婚，剩返自己一個無人要，真係諗起都驚。但係，無拖拍、無婚結係咪代表一定要急急尋伴，快啲上岸呢？護膚品牌SK-II早前就推出以「剩女」為題嘅紀錄片，紀錄五個中國剩女嘅故事，大爆國內剩女無婚結被家中長輩「炮轟」嘅壓力，同時呢五個剩女亦同大家講佢哋「單身更幸福」。其實，女仔單身並不可怕，嫁錯郎先係最可怕……與其左搵右搵都無個啱，不如學吓入面嘅女主角們，睇吓佢哋點樣「單身快樂」啦！
喺中國無婚結要聽長輩講幾多說話？睇吓以下呢幾個已年過25歲嘅女孩子點講過年時畀班長輩問咩問題先，相信亦係好多香港單身女子嘅寫照！
片段講到喺中國社會，女人一定要結婚先係一個完整嘅女人。其實唔少中國，喺文明嘅香港仍然有唔少封建家庭都呢個思想，所以話，女人真係唔易做！
喺中國未結婚會點？喺上海嘅人民廣場就有個相親角，父母會將未婚子女嘅照、條件等列哂出嚟，畀有心人嚟做配對，增加佢哋結得成婚嘅機會。佢哋會唔會因而搵到如意郎君或姐可人嬌妻我就唔敢包，但肯肯定搞到壓力直飊阿！
片段亦找來多對父母表態，多對父母都表示，如果阿女搵唔到人嫁，將會係佢哋一生嘅心結。
呢個紀錄片未完嘅，講完對父母長輩嘅控訴，就緊係講吓「剩女」們嘅心底話！
其中一位參加者大寫嘅「剩女」心聲相信亦係各位女孩們嘅心聲，結婚，係一世嘅，緊係諗清楚好！
單身可以點？其實一個人幸福、快樂生活都配得上有美好嘅人生！
紀錄片到最講，大呼：「剩女很阿光榮阿」！其實，剩女本來就並唔係咩唔見得光嘅事～
呢位媽媽最後亦同剩男講聲，「要努力阿！」，活得好，剩男都有資格！
