孖閨密做冗員！$50/小時 冗員俱樂部 Hea過周末|土瓜灣好去處|
廣告
吊頸都要唞下氣，不論上班族還是學生， 面對無限量的工作、功課和考試，隨時壓力爆煲，所以放假便要把握時間和朋友唞氣鬆一鬆。今次和大家走到舊區土瓜灣這間 冗員俱樂部 ，可以和閨密找個小空間休息 selfie ，懶懶閒過個輕鬆周末。
撰文：Sam | 攝影：Tommy
土瓜灣 冗員俱樂部 ：任何人都可以做冗員
人人都想「好食懶飛」做冗員，現時有地方讓你「冗」夠本！「以前和幾個朋友返學返工都玩電話，覺得自己好廢呀，就話自己好冗，就開始有 冗員俱樂部 呢個概念。」90後的自由工作者 Otherway，於今年年初在土瓜灣工廈開設了700多呎的「 冗員俱樂部 」，她指：「 冗員喺工作上係多餘，做嘢廢廢哋，但我的定義唔係好負面，係人都會廢㗎啦，咁每個人都有啲moment想廢下、想 『 冗 』下，生活好大壓力都會想放鬆下。」
&feature=youtu.be
星期六、日開放給冗員 時租$50
這裏除了是Otherway平日的工作室外，亦會有租場和包場服務，最近更開設了「週末 Cafe」，讓大家加入俱樂部。被問到需要什麼條件才可加入，她毫不猶豫答：「任何人都可以成為冗員，因為你唔會24 小時都有認真工作的 mode，你點都會想hea下。」
「週末Cafe」以時租給大家星期六和日到訪，1位每小時$50，送1件蛋糕或1杯手沖咖啡或花茶，3選1，另外亦可自行攜帶其他食物進場。
Studio 內還有幾款 Otherway 自家設計的背囊售賣。
冗員俱樂部
地址：土瓜灣馬頭角道40號東南工廠大廈7樓 A301室 （顯示地圖）
「週末 Cafe」開放時間：星期六及日 1:00pm-7:00pm
收費：$50/小 時；$80/個半小時（送甜品1份或飲品1杯）
facebook：Free Rider Studio 冗員俱樂部
