免中伏！韓國買衫必知 7 件事｜記者教路 掃平貨一定要講價
廣告
韓國平衫雖然超級抵買，買多幾件唔肉痛，但畀得錢當然不想買到劣質貨！記者游走韓國多年，在首爾買平衫數目數之不盡，這次綜合7件在 韓國買衫 時必定要留意的事！
#01｜韓國買衫無標價？一定要講價！
雖然在平價韓衣店內的平衫大部分已經標好價錢，但有部分服裝店都沒有為商品標上價錢！往往對遊客是一個價錢，對本地人又是另一個較便宜的價錢。如果想以較平價入手心儀商品，可以試試講價！記者試過由₩28,000講價至₩18,000！足足平了$70。
#02｜架上已經是新衫？
在香港買衫，往往都會問一句店員是否新衫，放在架上又怕被人試過、瘋狂摸過。在韓國大部分平衫舖，即使問店員會否有新衫，他們都會答你，「架上已經是新的，都是舊的買走再放上去。」當然有部分店舖會願意在櫃內再找一件新衫給客人。
#03｜行多幾間再比價
最怕在A店買完B店再見到，但在首爾這種事是十分常見。首爾平衫店內的衣服大多是長青款，所以十家中八家都有類似款式，不妨多走幾家再比價，免得見到更平的同款而不高興啊！
#04｜90%的Tee都是One Size！
韓國平衫的Tee款大部分都只有一個尺碼，裙、褲款反而有機會有S、M、L 三個碼數。但韓國的Tee大部分走寬鬆路線，身形比較大的女生都可以穿得下！但要注意，韓國平價服裝大部分只能試穿裙、褲款，上身的Tee就比較難試身了！
#05｜睇清楚 Made in …
雖然記者拎上手的都是 Made in Korea，但亦有讀者提到平衫購物區內的衣服有些是 Made in China，唔想在購物區買到淘寶貨，記緊看清楚標籤寫的是 Made in Korea 還是 Made in China！
#06｜不能退換、退錢
韓國的平衫店舖一律寫明購買後無法退貨、退錢，所以在付款時一定要檢查清楚衣服有否破損，不然購買後才發現有損毀就口同鼻拗。
#07｜現金正價 信用卡有手續費
因為韓國人大部分都會選擇用卡付款，所以平衫店舖會因為信用卡/扣帳卡付款而多收一定手續費。所以旅客如果有足夠現金就記緊付現金，不然就會蝕了手續費！
