韓國首爾EMS寄行李教學｜唔識韓文都得！最快1日到港
文：Kassidy｜圖：Scott、韓國郵局
韓國 EMS 唔再怕超重
唔想自己辛苦將戰利品搬去機場，可以在郵局/超級市場（首爾樂天超市就有！）寄返香港，，韓國國際郵寄以 EMS (Express Mail Service) 為主，到香港會直接送到屋企門口，最平1公斤₩24,500/HK$170起跳，寄得越多，除返開收費越平，慳返自己搬運的汗水。
早過你返香港！記者 1 日收到包裹
韓國 EMS 寄包裹最快 2-3 個工作天即到達香港，如果早上寄出，翌日就會收到！記者 7 月 14 日在韓國濟州市郵局將物品寄回香港，在 7 月 15 日已經收到短信告知香港地址無人收取郵包，1 個工作天已經送到香港，比起我回香港的日期還要早。
韓國 EMS 教學 逐步教你寄行李
在韓國寄行李最怕就是雞同鴨講，不要緊！跟着以下郵寄教學，一句韓文都唔需要就能夠將行李寄返香港。
01｜ 先取飛，再前往櫃位買包裹箱
一般包裹箱分為6個尺寸，售價由₩400/HK$2.8起；一般較仁慈的郵局職員會讓你先試放物品，尺寸不適合可以即時換個箱！
02｜ 取得 EMS 郵寄單 再逐項填寫
注意！填寄郵寄單的小敝步
郵寄單上有物品數量、名稱填寫，又是否將所有物品如實申報？貴重物品不建議郵寄，而且超過某個金額更有機會被徵收稅款（香港剛好免關稅），如果只是食物、衣服等，可以填寫較低金額 (~10-20USD) ；剔 Gift 的選項也比較容易過關！
03｜ 打包包裹
郵局一般會預備好膠紙、較剪，供郵寄包裹的人使用；就算是膠紙都有分數個種類！而 EMS 單先不要貼在紙箱上，因為郵局職員要先輸入資料才幫你貼上。
04｜ 將包裹交予職員及付款
將包裹交予櫃位後，郵局職員就會將包裹磅重；然後就會向你收取運費及紙箱的錢。
EMS 收費一覽 最多只可寄 30kg
寄往香港的 EMS 包裹最多只可以 30kg，每個價錢以 0.5kg 單位跳升；最平價錢為 0.5kg ₩24500，最貴則為 30kg 的 ₩133,000/HK$923，跟航空公司額外收行李費差無幾，慳在搬去機場的力氣。
明信片同樣做法 每張到港 ₩430
寄明信片同寄包裹差無幾，告訴郵局職員你要將明信片寄往香港，他們就會幫你將電子郵票貼在明信片上，每張盛惠₩430/HK$3。想實實在在要張郵票都可以，在文具店就能買到郵票（우표 woo-pyeo)，郵局職員也會樂意給你一張郵票的！
周末無得寄？ 去超級市場就有！
金浦機場、蠶室、首爾站的樂天超市都有 EMS 寄送服務，即是代表周末都可以寄到行李！當然最好只放在樂天超市買到的戰利品，但多放一兩件職員亦不會有太多怨言，但要注意樂天超市對液體的限制較為嚴謹，要寄行李的旅客們緊記要包好才放進紙箱！
