美少女戰士展 六本木Mori Tower@五月玲子
日比谷線「六本木駅」1C出口直行盡頭之後上電梯，再直行就會到達「MORI TOWER」，見到這個入口上去就可以即場買門票。
係門口已經提示左Cafe要等幾耐先入到。（而家30分鐘已經算快，首日要等3小時…)
如果買咗前賣劵就可以去會場換正式入場劵，前賣劵可以揀自己喜歡的美少女戰士圖案，因為我係木野粉絲，所以揀咗木星圖案（心心眼）
坐電梯到52樓就會到展覽場地啦！
上到52樓就可以欣賞下東京啦，日間同夜間感覺好唔同架～
成個展會分左不同部份，共Chapter 0至7，當中有不同photo spot俾大家影相。
下頁續：正式進入展覽！超美月之宮殿觀景台
一入到會場就係Chapter 0入口部份~
喺觀景台呢邊做成「月之宮殿」的設置，日間睇唔到有咩效果，但一到夜晚又見到同夜景融合的效果好靚！
夜晚有射燈效果
Sailor Moon同東京鐵塔
入口全景圖
呢個位係官方影相位，會有工作人員在場用相機正面影，可免費贈送一張小的相片以及用￥1,300買一張大的。試過有人問工作人員用手機影相，但工作人員講明呢個位只可以用大會的相機影，如果想自己用手機影，要等到夜晚8點後等影相服務停止之後先得了。
同時有一些展品，都是舊版的漫畫及精品，童年回憶出返哂來！！！
想當年期期Comic Fans我買齊架…仲專登keep低彩頁…
仲有一幅巨大展畫，係武內直子老師專為呢個展而新畫的圖，好靚呀！
除咗舊玩具，都有展示一些新玩具。
Chapter 2：係一個小小短片，將漫畫幾個場面併成一個小動畫，只得日文。
Chapter 3：係將漫畫美少女戰士第一話全部彩色化，真係好靚！每一格都要慢慢欣賞！
Chapter 4 ：就好似係美少女戰士博物館，有1990年代的舊時美少女戰士商品，例如毛公仔，Trading card，Figure，玩具等等，全部都係而家好罕見。另外仲有動畫的設定稿以及分鏡，全部都係珍貴資料。
Chapter 5 ：是武內直子老師的原畫展，為呢次展覽新畫的圖都有展示。全部原畫都超級漂亮，老師強大的繪畫功力表露無遺，細膩的畫風，每幅畫我都花咗唔少時間細心欣賞。更可以睇到老師由以前的全手繪到現在用電腦作畫的轉變，呢一部份真係值回票價！
另外為咗保護原畫，原畫會分三期替換展出，如果想睇哂所有原畫，就要分3次來了：
(1)4月16日(六)〜5月8日(日)
(2)5月9日(一)〜5月29日(日)
(3)5月30日(一)〜6月19日(日)
係Chapter 5原畫部份前面有個Photo Spot，係月之宮殿呢！
今次個展覽有好多會場限定商品，並且規定咗每人只可以買20樣野，避免有人搶購所有商品令其他人無得買。
會場限定商品: Tote Bag
會場限定商品: 文件夾
會場限定商品: (上）筆 (下）紙Memo，紙Memo勁受歡迎，經常處於缺貨狀態！
係店外面有一個Chocola BB的攤位，離開展覽時都可以獲贈一罐Chocola BB，如果見到就唔好錯過啦。
Cafe好多人，排左45分鐘終於成功入到去啦！
餐單都好靚，有分野食，甜品同飲品，呢張相睇得唔清楚，詳情可以去官網睇清楚食物相片。
首先來左的係甜品「露娜P的藍莓慕斯」(ルナPボールのベリームース) 外型超級可愛！露娜的頭係藍莓慕斯，酸酸甜甜好好味，下面是朱古力忌薕，再加上圍住側面的生果，同埋士多啤梨的耳朵，一開始見到覺得得意到有少少唔捨得食。
主食叫左款「美少女戰士特製漢堡包」(セーラームーンスペシャルバーガー)，以變身器為圖案的漢堡包，星型薯餅以及月型餅乾，以及一小盤的醃漬菜。個人覺得那個醃菜太重口味，感覺麻麻地，星星薯餅和月型餅乾則是不過不失。至於主菜漢堡包，外型很吸引，裡面有蛋，煙肉，牛肉漢堡，生菜及醬汁，有點失望是整個包以及餡料都是很乾澀，越食越沒有勁…只是有種快點食完就算的感覺…是今天的美中不足。
最期特係呢款「天空的奇蹟・浪漫芭菲」(天空のミラクル・ロマンスパフェ)，以美少女戰士展主圖案設計而成的芭菲，顏色和設計都十分夢幻。白朱古力忌薕，紅莓雪葩，新鮮士多啤梨，酥皮塊，4層不同顏色味道的啫哩，加上大大的月亮裝飾，真係好靚！最緊要係好好味！鐘意食甜品真係唔好錯過！
去完展覽又食完cafe，當你離開52樓坐電梯返到2樓以為完哂的時候，係2樓的「ART+DESIGN STORE」仲有好多美少女戰士精品等緊你！更有「ART+DESIGN STORE」限定的美少女戰士精品商品！同52樓展覽會賣的商品不同，大家的荷包真係要出血到最後一刻為止（笑）
六本木 美少女戰士 展
日期：4月16日（星期六）至6月19日（星期日）
時間：10am-10pm（最後入場時間9:30pm）
地點：六本木森美術館 (東京港區六本木6-10-1 Mori Tower 52/F) (顯示地圖)
票價：成人：1,800円／高中及大學生：1,200円／4歲～中學生：600円／65歳以上：1,500円
前往方法：地鐵日比谷線「六本木駅」1C出口可直達六本木Hills，在地鐵站裡面已經見到宣傳板。
延伸閱讀:
