最新秋冬妝物

【日本街訪】2015最新秋冬妝物推介！

新假期編輯部

Nov 27 2015

廣告

想要了解日本近期興甚麼，還是到街頭訪問更實際！今次係美女如雲的原宿街頭逼供，發現㗎妹近日愛用的妝物真係新奇過新奇士橙，如果唔係佢哋偷偷話我知，真係無機會介紹到畀大家！佢哋仲教路記得要「貨比三家」，因為就算是同一集團的藥妝店，不同舖的妝物價格都會不一樣！

1.古靈精怪小顏神器

日本藥妝化妝品6X — Kogao 小顏修正面膜 ¥1,850 / HK$123 (b)

日本藥妝化妝品6f — 「之前見到覺得好搞笑，所以買了一個試試，估唔到真係會有效果，原來是用出汗原理的脂肪分解，而且固定面形令下巴變瘦，用了幾次塊面真係尖了小小，但係唔係太持久，所以要keep住夜晚用！不過效果有無用都係其次，戴住自拍呃like才是重點吧！」紗織小姐（OL)

2. 起泡！新興碳酸護膚！

日本藥妝化妝品 06g copy — LITS WISTEA 碳酸泡泡面膜 ¥497 / HK$33(a)

日本藥妝化妝品06f copy — 「之前太麻煩所以無用，因為要在水盆中倒入碳酸粉，然後閉氣浸入『面膜』中，近日發現這款新品就方便得多，只要敷上mask後，碳酸面膜就會自動起泡，清潔效果一流，一星期一次當清潔面膜，用後毛孔有變細，而且肌膚更白滑！」友美小姐（學生）

3. 抵用！7蚊牛乳洗面皂

日本藥妝化妝品 06i — 牛乳石鹼洗面皂( 赤 ) ¥103 / HK$7(a)

日本藥妝化妝品 06h copy — 「因為朋友推薦所以才會用，呢款牛乳洗面皂甚少在網上宣傳，外國人應該未見過！可惜我肌膚偏乾，所以覺得保濕力略嫌不足，不過清潔效果幾好，用後肌膚更白更滑，會推介畀油性肌膚的朋友仔用！最重要是勁平，一塊至少可用2－3個月，真係超級抵用！」Sara （台灣留學生）

4. 超神奇！免卸妝素顏碎粉！

日本藥妝化妝品 06c — Yuagari suppin powder 素顏碎粉 ¥1,620 / HK$108(a)

日本藥妝化妝品 06b — 「以前為了唔想畀細佬笑我皮膚差，日日晨咁早起身，夜晚勁遲瞓！不過試用這款『偽素顏裸妝神器』後，終於唔再怕了！因為碎粉含膠原蛋白及玻尿酸，可以有效提亮肌色，而碎粉質感則可有效遮蓋毛孔及瑕疵，最重要唔洗卸妝，可以當護膚品用，你話係咪神奇先！最愛是淡淡玫瑰香，近期㗎妹真係個個都有一盒傍身的！」美香小姐（學生）

5. 一支三用！畫眉妝勁方便！

日本藥妝化妝品 08c — K-Palette 三用眉筆 ¥1,512 / HK$101(a)

日本藥妝化妝品 08a — 「出街一定會畫眉，不過因為頭髮齊蔭成日蓋住會容易溶妝甩色！愛用這品牌是因為效果持久而且顯色度高，輕輕畫一筆已經夠出色！而且一筆三用，可同時畫眉、暈開線條及梳順眉毛，真係超級方便！」Misa (服飾店店員）

6. 熊熊拜拜！發熱眼膜

日本藥妝化妝品08e — NonKuma 發熱保溫眼膜 ¥500 / HK$33(b)

日本藥妝化妝品08d — 「本身自己黑眼圈問題嚴重，但試過用針對黑眼圈產品但係毫無效果，因為眼袋下的血代謝廢物積聚，令色素沈澱！近日就試用了這款發熱眼膜，效果同傳統熱敷雞蛋差唔多，不過就衛生好多，而且秋冬轉凍，暖笠笠應該會好舒服！」夏海小姐（大學生）

下一頁：皇牌大熱限定款！

7.皇牌大熱限定款！

日本藥妝化妝品 08i copy — DHC 限定版潤唇膏 ¥598 / HK$39(b)

日本藥妝化妝品08h — 「本身是品牌粉絲，最愛橄欖潤唇膏，今次竟然推出限定款，當然要支持，這款用後的效果跟皇牌差唔多，唔錯！最厲害當然是防UV功效，用後唇紋減少又不怕甩皮！不過品牌潤唇膏經常缺貨，見到真係要快點買！」長田小姐（設計師）

8. 偷食唔甩色！唇膜Lip Coat！

日本藥妝化妝品 08g — RIMMEL不脫色唇膜 ¥1,296 / HK$84 (a)

日本藥妝化妝品 08f — 自己非常愛食甜品，所以平日都會用呢款新品，搽唇膏後只要塗上Lip Coat，食野時便唔怕會甩色，效果可以維持8至10小時，塗上後更會令唇妝有光澤感！不過卸時較麻煩，要用唇妝專用的卸妝水才會夠乾淨！」栗花小姐（美妝師）

9. 粉紅唇妝大熱！

日本藥妝化妝品08l — Kanebo Coffret D’or 粉紅色唇膏 ¥1,598 / HK$104(a)

日本藥妝化妝品 08j — 「上季興橙唇及紫唇，今年秋冬反而要塗粉紅色，就連日本雜誌如《VIVI》、《裝苑》等妝容介紹都力撐粉色，所以我都會照跟！自己就一向愛用Kanebo的化妝品，尤其是唇膏，因為色系夠少女不怕老套，而且價錢唔貴，學生都負責得起！」越川小姐（學生）

10. 大風也不怕！順滑髮膏！

日本藥妝化妝品10b — Matomage 順髮膏 ¥498 / HK$32(a)

日本藥妝化妝品 10a — 「秋冬最驚突然大風吹襲，披頭散髮真係會嚇親隔離！我愛用這款髮膏，因為可順滑頭髮，兼有定型效果，所以面對大風來襲，都可以淡定拎出髮膏輕輕一塗，髮型立即回復自然貼服，而且外型細細粒，帶出街都非常方便！」美里小姐（社員）

11. 指甲都有「面膜」！

日本藥妝化妝品10d copy — Nail Nail 指甲膜 ¥800 / HK$52(b)

日本藥妝化妝品 10c — 「因為個人愛Gel甲，所以都會非常注重指甲的護理，之前有用過指甲膜，不過都要先卸走甲色，不過呢款竟然唔洗，可以保濕同時令指甲變得柔軟，效果非常好，絕對是懶人必入！」優美小姐（學生）

12. 怕凍必備！發熱內搭legging！

日本藥妝化妝品10f — Dr. Scholl 熱感加工內搭 Legging ¥1,420 / HK$93(a)

日本藥妝化妝品10e — 「自己非常怕凍，而且日本天氣寒冷，所以入冬後一定會穿Dr. Scholl推出的全新的發熱內搪legging，除了有瘦腿功效，更會發熱令雙腳保持溫暖！試穿後不會過熱，而且保溫效果不錯，可以用足一日！」玲奈小姐（化妝品店店員）

a. 松本清(涉谷店)

地址:東京都涉谷區宇田川町22-3（顯示地圖）
電話:+81(- 0)3-3463-1130
營業時間:24小時營業
交通:乘 JR 山手線到涉谷駅,ハチ公口步行約5分鐘。
網址:www.matsukiyo.co.jp

b. 激安之殿堂

地址:東京都新宿區歌舞伎町1-16-5（顯示地圖）
電話:+81(- 0)3-5291-9211
營業時間:24小時營業
交通:乘 JR 山手線到新宿駅,東口步行約5分鐘。
網址:www.donki.com

延伸閱讀

10分鐘學會42個旅遊常用日文@ 批哩啪啦

冬日閒遊東京4大錢湯【東京】

【東京必敗藥妝】激平¥100店！10大化妝好物推介

關鍵詞

2015 原宿新奇日本