ROYCE’ 特濃朱古力布甸 |掃食JP便利店|@五月玲子。日本工作假期
廣告
每星期日本都有好多新零食推出，等我係度試食少少新零食啦！
【ROYCE’特濃朱古力】
ROYCE’推出的特濃朱古力布甸，放工就立即去了便利店看看，就見到架上有很多水晶藍色的布甸閃閃發光地等緊我（笑）呢款布甸整個是朱古力製成的（因為好多布甸會分開兩層，而呢款只有一層）用了北海道的牛奶和忌廉，口感超級順滑。超級濃郁的朱古力味，令人回味無窮，絕對是朱古力粉絲不能錯過的布甸。
【ROYCE’X 固力菓 杏仁朱古力】
ROYCE’ 與固力菓合作開發的杏仁朱古力，只是打開膠袋就已經聞到濃濃的朱古力味道！（無誇張！）表面是ROYCE’的北海道朱古力，裡面是固力菓的香脆杏仁，好味到瞬間已經食哂成盒…
其實ROYCE’和固力菓還有推出其他產品，但我搵左好多間便利店都搵唔到（泣）
【Paicro Du Japon綠茶味】
桃哈多公司剛剛新推出的「Paicro Du Japon綠茶味」，牛角包的外形，麵團加上綠茶味的黑蜜，表面塗上揉合宇治抹茶的白朱古力，再灑上綠茶粉烤製而成，細小一粒內外都充滿濃厚的綠茶味，與黑蜜混合起來好香，因為有宇治抹茶甜味剛剛好，而且綠茶味不會很假（我好怕好假綠茶味的食物的）。
