2016日本櫻花花期預測！睇準時機買機票

旅遊

新假期編輯部

Jan 15 2016

日本花期出咗啦！等花期預測等到頸都長嘅大家，終於唔駛再等啦！正常2月先出櫻花花期預測，日本氣象株式會社今日（1月14號）出咗第一期櫻花花期預測！想去日本賞櫻嘅朋友，唔好諗啦，快啲計劃好然後買機票出發吧！

日本氣象株式會社預測，由於日本北部同東部，今年11，12月明顯比正常嘅溫度高，所以今年會比以往開花嘅時間更快！最快3月22號東京，名古屋同甲府就已經有櫻花開咗啦！但西部嘅溫度就同平常一樣，甚至會比平常慢，特別喺鹿兒島同九州。

留意住開花期，除咗可以欣賞盛開嘅時候，仲可以欣賞佢嘅生長期，睇住櫻花慢慢開嘅風景，都有另一種感受～日本氣象株式會社預測，札幌同仙台嘅櫻花覺醒率最快，鹿兒島就最慢啦，不過大家可以因住時間睇唔同地方嘅櫻花。

2016 日本各處開花期一覽表

「懶人包」 – 重點城市開花狀況一覽表：

東京：開花期（3月22日左右）、盛開期（3月29日左右）
大阪：開花期（3月28日左右）、盛開期（4月4日）
京都：開花期（3月26日左右）、盛開期（4月3日）
福岡：開花期（3月23日左右）、盛開期（3月31日左右）
長崎：開花期（3月24日左右）、盛開期（4月2日）
鹿兒島：開花期（4月5日）、盛開期（ 4月14日左右）
廣島：開花期（3月26日左右）、盛開期（4月4日）
名古屋：開花期（3月22日左右）、盛開期（3月31日左右）
札幌：開花期（ 4月29日左右）、盛開期（5月3日）
仙台：開花期（4月6日）、盛開期（4月11日左右）