日本退稅新安排! 5000円就有得退稅
廣告
依家日元就突然爆升， 1港幣先換到14日元，今時唔同往日啦，去日本購物唔可以好似以前咁，瘋狂購物，要計過度過先。以前討厭退稅要排隊，又要等，見差唔多就唔退稅。但依家真係要衝去退稅！日本就好貼心，公佈將於今年5月1號推出新嘅 日本退稅 措施，大家要密切留意啦！
1.日本退稅 ：買夠 5,000円就退得！
2015年10月時嘅政策係買化妝品、食品、飲品、藥物等消耗品，超過¥5,000（約HK$320）；或家用電器、服飾、手袋等一般商品，超過¥10000（約HK$640），就可以即時退稅。但係退稅時要分清楚係邊個項目都有啲混亂。所以2015年5月1號起就會將所有合資格商品都統一，只要5,000円以上便可以退税啦！
2. 寄送海外或機場直接退稅？
新政策仲提出可以於商店內購買免稅品後，直接寄回海外或者機場，但係詳情就要等進一步公佈先可以確定，而且哪些商店會提供寄送服務都未清楚，大家想知就要Keep住留意啦！
3. 商店街消費 夾埋5000円都退得
新政策不只降低退稅門檻，仲可以不限一間商店，意思即係同一商店街內店鋪消費，就算係不同店鋪購買商品，但只要總數超過5,000円都可以退稅！ 如果鍾意喺商店街買嘢就啱晒你啦，但要留意要觀光局承認嘅商店街，先有呢個優惠！
4.「購買者誓約書」電子化
退稅手續將會進一步電子化，「購買者誓約書」將會電子化，可以簡化手續同減省處理的時間，仲可以以電子化保存，遲啲係藥店掃貨後，退稅就唔駛大排長龍啦！
