日本流心抹茶脆皮雪糕批 |掃食JP便利店|＠五月玲子。日本工作假期
呢款抹茶雪糕批，表皮係抹茶朱古力脆皮加上杏仁，裡面係宇治抹茶做的雪糕，最中間係北海道限定的ROYCE’ 的朱古力。成個批使用咗2種宇治抹茶，抹茶味道更香更濃厚，鍾意抹茶的真係要食呀！
個抹茶朱古力脆皮同杏仁的香脆好夾，裡面的雪糕又夠滑，最緊要係抹茶果種獨特茶澀味真係好香好美味，再加埋ROYCE’ 朱古力，就算而家東京好凍都忍唔住要買來食！
2. 【鹹蛋超人&巴魯坦星人饅頭】
Family Mart於1月19日開始推出「鹹蛋超人冬之Festa」，可以抽換不同的限定鹹蛋超人禮品之外，並且推出了數量限定的【鹹蛋超人&巴魯坦星人饅頭】（數量限定40萬個），呢個月會來東京的朋友可以去試下！
3. 【7-11 黑森林蛋糕】
新推出的7-11版本黑森林蛋糕，最鐘意食朱古力嘅我即刻率先試下有無伏（笑）
味道方面就係一個典型的黑森林蛋糕，朱古力味夠濃厚的，蛋糕本身也很香，絕對不是個伏，但也不是特別到想要再買來食。
4. 【EMIALTAPIOCA TIME ROYAL 珍珠奶茶】
係日本突然想飲珍珠奶茶，除咗去春水堂之外，係便利店都可以隨時買到來飲。呢款EMIAL出嘅珍珠奶茶，係奶茶方面係合格的，有茶香之餘同奶混埋之後兩邊味道剛剛好，但係珍珠就不太OK，雖然寫住「もちもち食感（口感煙韌）」，但係就完全唔煙韌，又不是爽口，又不是蒟蒻，總之好似怪怪咁…(笑)
5. 【明治 期間限定 白朱古力迷你Galbo】
由石原里美女神代言的Galbo系列，係冬天推出期間限定的白朱古力版本，超濃牛奶香味，連裡面的餅都係牛奶味，我一直好鐘意Galbo系列因為我鍾意個餅的質感，不過呢款就有少少甜到漏，食左3﹣4粒已經覺得太太太甜！
【明治 期間限定 白朱古力Galbo Ball】
同樣都係由石原里美女神代言的Galbo系列，係冬天推出期間限定的白朱古力版本，呢款係朱古力波款式，因為裡面的餅仍然係朱古力味，牛奶味就無上面一款咁重，唔會甜到漏，夾埋真係好味到震呀！
