日本強發明! 隨時食得的暖包?!＠五月玲子。日本工作假期
廣告
1﹣3月係日本最凍果幾個月，我本身係一個超級怕凍嘅人，著好多衫加暖包都覺得好凍，係由身體入面凍出來果種感覺，每年冬天都好難捱。估唔到日本而家出咗隻可以食嘅暖包！？（12月8日已經出咗）
呢款係味源出嘅藥丸型食品「食べるカイロ」（食得嘅暖包），顧名思義就係食咗落肚身體就會變暖。特別之處係用咗獨家技術將生薑發酵並製造成「發酵黑生薑」，而且已經取得專利。「發酵黑生薑」裡面的生薑酚成份比普通生薑多出57倍，所以更加容易令身體和暖。為了方便携帶和食用，就做成藥丸形狀推出市面。並且標明全都係用日本國內生產嘅生薑，保證安全。
一包入面有16粒，包裝上寫住建議每日食2粒。我今日就先試食2粒，一打開包裝就聞到好大陣薑味，雖然話為咗容易入口加咗西柚汁味道落去，但食落口生薑味係完住蓋過咗西柚汁，只係覺得好熱好辣，咬碎少少之後就越來越灼熱，好似喺我個口入面發緊熱咁，於是即刻吞咗落肚，網上見到都話會即刻感到發熱，但到現時為止我都未覺得特別發熱，唔通我個人真係太易發冷太凍？（笑）如果有興趣的人可以買來同朋友一齊試下，不過要預咗果陣生薑味未必個個人都頂得順或者鍾意食。
