日本便利店超大熱蜆湯！6大好味湯品|掃食JP便利店|＠五月玲子。日本工作假期
1.【7-11 蜆湯】
雖然7-11 蜆湯唔係咩新野食，但真係好好味忍唔住要再介紹下～9蚊都唔駛就可以食到有5個真蜆肉的湯，當然蜆肉咁處理法係唔夠鮮甜個「鮮」，但至少有鮮甜個「甜」的味道，仲有個味噌湯真係好清好好味，同蜆肉好夾，值得試下架！
2.【7-11 野菜湯】
做下資料搜集關於便利店最佳湯汁果陣，竟然見到呢款7-11野菜湯有上榜，所以就想買來試下到底點解可以上榜。款湯總共包括咗白菜、白韭菜、葱、小松菜、四季豆、蘿蔔等蔬菜。原本的狀態係抽乾哂水份的乾菜，加上味噌和熱水，就變返一般的蔬菜咁，雖然唔知道到底咁樣情況下菜仲有無營養，不過食落感覺又唔差，而且個味噌湯好好飲，係日本一般「野菜不足」的情況下，唔怪得會上榜啦～
3.【日清冬陰公湯河】
凍冰冰就梗係食返d辣野暖身啦！呢款日清冬陰公湯河，首先落材料再加熱水，先食幾口覺得無咩特別，一打開紅色包冬陰公醬，就聞到好香啦！成杯野就變咗冬陰公湯河，味道方便我覺得唔夠原本的冬陰公辣，可以再辣少少，但都好好味！至於河粉方面，我覺得有少少太硬…
4.【pokka sapporo 粟米麵包湯】
平時我最鍾意係自動售賣機賣的罐裝粟米湯，都係呢間公司pokka sapporo 出品嘅，佢哋出的粟米湯真係好好味，好香濃又細滑，加埋麵包粒，暖笠笠咁做早餐／午餐／晚餐都得架可以夠飽！
5.【蒙古タンメン中本豆腐スープ】
7-11 Premuim與「蒙古タンメン中本」合作推出的豆腐湯，「蒙古タンメン中本」本身是一間出名食辣的拉麵店，呢個豆腐湯係店入面無的菜式，同7-11 合作原創的。個湯真係唔簡單，首先落粉同豆腐再加水，試飲幾啖就已經好好好辣，再加埋包紅色的辣油，嗚呀！果種香辣真係好攻鼻攻喉，如果食開激辣的可以買來試下，只能食到普通辣的話可以試下唔落包辣油咁飲湯～
6.【7-11 粟米湯】
7-11出的粟米湯，最基本的一款，係完全無粟米肉的，味道雖然不差，但呢個價錢建議買其他特別款式會更好。
