首爾必必必食！雙重拉芝辣炒雞加麵

韓國乜都有得拉芝士，平時食得多的豬肋 骨、漢堡、pizza、炒飯等，都未算邪惡！現在已進化到以Mozzarella 及Cheddar 雙重芝士，配上辣炒雞扒，竟然再加上公仔麵、年糕，集終極邪惡的食物於一身！辣炒雞扒非常嫩滑，而辣度適中，不會灼喉，當中更加入了甜薯，亦可中和一下辣度， 並令整體的滯膩感大大降低！ Mozzarella 及Cheddar 兩款芝士熔化滾起後，效 果非常澎湃，份量毫不吝嗇，填滿了半隻鑊。當中以Mozzarella 奶味較重，Cheddar 則帶鹹 香；將雞扒掉進芝士池中不斷捲，完全沾滿芝士食就正！拉芝效果以前者較佳，拉極唔斷，芝士控絕對不可錯過！唔好掛住拉芝，唔記得食麵呢！公仔麵本身麵質相當彈牙，不過若在鑊中煮得太久就會過腍，影響口感啊！