首爾掃貨（上）！大褸$500有交易
比起暑假期間，現時低見每港元兌約W150（10月8日匯價），4個月累跌一成，趁低水位走一轉睇紅葉兼掃秋裝真係超級抵！記者給大家率先準備了「換季 掃貨 7部曲」，先去弘大新區平掃韓潮必敗新裝，再去$500大褸尋寶地，當然唔少得國民力捧的太陽眼鏡、手袋、鞋及美妝品吧！睇完這份購物攻略，包保你由頭買到落腳都唔怕破產！
1 必行弘大新興潮區！
自問還算熟悉首爾，每次去掃貨都會行齊弘大、梨大、梨泰院及江南 區，勢估唔到街訪時有潮人推薦的臥牛山路( 와우산로 )，竟然聽都未聽過，真係失禮！原來這個小區為近日的新興時尚蒲點，位於弘大8號出口附近，比起 年輕人主要購物的大街(9號出口 )，這邊反而較為恬靜，別具特色的咖啡廳無處不在，小巷中更有各式趣致雜貨店及抵買潮裝，當中販賣的服飾風格就包羅萬有，所以在這裡中絕對能找到換季必備的新款！就連 Stylenanda 最新的旗艦店今年年頭亦在街尾開幕，要到首爾入貨，跟我走吧！
Shop 1 韓風OL尋寶地
既然街頭潮人都力撐斯文造型，第一站 當然要搵個入貨好地方！臥牛山路大街上的 Cornershop就非常推薦，點解？因為好抵 買，店內款式大部分二、三百蚊已有交易！樓高兩層，一樓主攻設計感較重的成熟潮款，one piece剪裁上尤其驚喜，如連身裙竟然會開高叉，想掃韓風斯文款則可上二樓，款式較年輕，最新秋冬系列更大玩西裝料，如恤衫、長褸等因尺碼剪裁都較為窄身，著返工都不失型格！訪問中發現在韓妹對 Cornershop 好評不斷，因布質車工都比一般時裝店好，唔怕甩線甩色，布料又夠軟身，難怪不少模特兒如姜承賢、李賢伊等都是忠實粉絲！
Total：HK$773
Total：HK$1,391
平掃返工total look！
Cornershop 主打韓潮斯文 look，絕對是秋冬換季的配襯重點！咪以為斯文look就等於恤衫+西裝裙咁簡單，其實要襯得靚都大有學問！因為是韓國出品，店內斯文款其實都有很多變化，除了最基本窄版西裝褸、針織外套，仲有齊長褸、條子恤衫、手提包等等，真係襯足6日返工及放假造型都唔怕悶，而且花 $500至 $900已可買齊成套造型，齋著一季亦唔會肉赤！仲等？即睇推介吧！
白色恤衫 W24,000 / HK$156
Total：HK$780
杏色薄長褸 W49,000 / HK$319
黑色皮裙W24,000/HK$156
Total：HK$683
Cornershop
地址：首爾市麻浦區臥牛山路27街50
電話：+82(- 0)2-325-7725
時間：12nn-11pm
交通：乘地鐵2號線到弘大入口站，8號出口步行約10分鐘。
Best 3！精選過癮潮店
講到明是新興潮流小區，又點會只得一間推介？由於臥牛山路的租金比弘大主街平一至兩成，所以不少獨立設計師及潮人都會在此築夢開舖，小區潮店林立，更有埋型格男裝舖，同男友齊齊行街就唔怕佢齋睇無得買，悶到會嬲嬲豬啦!
秋冬必掃卡通款！
小店睇落似古著店，但店內其實全部賣最潮新貨，因為入貨款式夠快夠新，不少stylist都會來這掃貨！想知今季興什麼？問店主就一定知！她就推介要買卡通款，特別是長褸及 Cap 帽，小記聽到心郁郁即試上身，然後就去畀錢了! 1件褸 +1 頂 Cap 都唔使七嚿，好抵買！
미향언니의상실
地址：首爾特別市麻浦區西橋洞333-21
電話：+82(- 0)10-4759-5857
時間：12nn-11pm
交通：乘地鐵2號線到弘大入口站，8號出口步行約12分鐘。
型男古味皮革店！
男人秋冬必買皮褸，不過想搵件皮靚剪裁正，隨時要過萬！臥牛山路中竟然隱藏了一間型男皮革店，件件皮褸份量十足，拎上手超級重，保證真材實料，而且只屬中價位，$2,000-$4000蚊已經有交易！店主仲話好 多款式是參照傳統軍褸設計，夠晒正宗!
LUIDE
地址：首爾特別市麻浦區臥牛山路29街7
電話：+82(- 0)2-332-5453
時間：12nn-8pm
交通：乘地鐵2號線到弘大入口站， 8號出口步行約15分鐘。
麂皮飾物發功！
講明一條街可買齊潮物，又點會漏了飾 物?這間小店有齊韓妹最愛的得意可愛小飾物，頭飾、戒指、甚至連眼鏡都有，全部都係 W8,000至W12,000(約HK$60-$78)，真係掃一 堆都唔肉痛！不過店員教路要主攻麂皮款，因為金屬飾物已過氣！
I AM JOY ACCESSORIES
地址：首爾特別市麻浦區西橋洞333-18
電話：+82(- 0)2-332-8455
時間：11am-11pm
交通：乘地鐵2號線到弘大入口站，8號出口步行約12分鐘。
2 $500大褸有交易？
轉季又點可以唔買大褸？不過潮牌價格偏高唔抵買，東大門質素差而且「 呀朱媽 」又 煩，想搵平價又高質的「Made in Korea」大褸？去短短只成立兩年的品牌indibrand吧！由 網店起家，大褸款式出名平、靚、正！今年拓展版圖成立實體舖，最新的新沙分店就剛剛開幕，店內裝潢貫徹品牌的設計重心，主打極簡單主義，衣物款式由頭到腳超齊全，不過風格就較為成熟，而且多數是純色為主，但唔緊要，因為秋冬款薄長褸真係超級抵，平均一件 W70,000/HK$460已有交易，摸上手質料超舒服，失控掃貨真係在所難免！
買褸買到失心瘋，不要忘記要上樓睇埋至潮配飾！店員講到明品牌闊邊帽銷量同大褸有得 fight，不過產量較少，而且秋冬襯衫必備，所以值得留意！當然唔少得絲巾、水桶袋、 頸鏈等點睛小飾物，反正轉季買衫容易跌入「 黑白灰 」的襯色陷阱，買幾件嚟襯衫好合理!
Indibrand korea
地址：首爾特別市江南區鴨鷗亭洞14街22
電話：+82(- 0)2-511-9894
時間：11am-10pm
交通：乘地鐵3號線到新沙站，8號出口步行約15分鐘。
網站：indibrand.cafe24.com
3 國民力捧潮民鏡！
比起服飾只著一兩季，太陽眼鏡隨時戴幾年，而且質素好壞會影響視力，所以與其路邊攤 W10,000一副，還是去國民級潮牌買吧！當今最具話題性的品牌一定是Gentle Monster，除了有韓星力 捧，街頭潮人10個有9個都戴佢！想知秋冬最on trend款，去店舖 走一轉吧！韓版大熱烏蠅鏡當然唔少得，最欣賞設計師獨特的混色技巧，令款式潮味爆燈又不會過於誇張，比起國際大牌更值得入手！除了賣眼鏡，品牌還賣生活態度，就如今年在鐘路區新開的 Showroom「Bath House」，裝潢似足汗蒸幕，為的是希望保留傳統，咁有態度當然值得支持！連我都忍唔住手再次失血，買了兩副幼框太陽鏡，我份糧無啦，嗚 ……
今季韓妹繼續大愛烏蠅鏡，不過要留意鏡臂一定要是金邊，這樣的設計才有反差感，既斯文又有型，而水銀鏡款同樣極具人氣，記得要夠誇張，鏡框都要揀鮮色款，咁先夠搶鏡！
比起女裝，男裝反而興幼框斯文款，而且一定要買黑色！貓眼鏡一向只有女生戴，秋冬男生亦不妨一 試，因為今年興起中性打扮，太陽眼鏡款當然比著裙 更容易接受吧！
樓高三層的 Showroom 大大話話都有超過200款太陽眼鏡，不如睇睇店員推介的必敗新款吧！店員教路叫大家咪再怕羞只揀大路基本款，因為秋冬衣物較為 沉色，水銀鏡或鮮色眼框都可點綴造型，走在街頭就自然有人對你行注目禮啦！
Gentle Monster
地址：首爾市鐘路區桂洞街92
電話：+82(- 0)70-4895-1287
時間：11am-8pm
交通：乘地鐵3號線到安國站，3號出口步行約15分鐘。
網站：gentlemonster.co.kr
4 激新潮鞋集中營！
買衫要去韓風小舖，但想知秋冬熱賣鞋款，反而要去大集團先夠穩陣，皆因連年速食時裝大熱，鞋牌都加入戰團，比起小舖較為單一的風格，大集團更會擅長做市場調查，所以鞋款必定是當季最好賣又多人穿！於今年3月才成立的 Shoespa 就絕對是近期年輕人買鞋的新熱點，位於明洞勁方便，地下兩層分別「 男左女右 」，有齊韓牌及國際大牌子出品，超過1,000款鞋畀你 慢慢揀，除了每日有新貨上架，更有超平減價區，平均4折最低2折，唔買真係對唔住自己！
Shoespa
地址：首爾市中區明洞2街83-5 NOON SQUARE 地下2層
電話：+82(- 0)2-3783-5300
時間：11am-10pm
交通：乘地鐵4號線到明洞站，4號出口步行約10分鐘。
網站：blog.naver.com/shoespa2014
機票推介
$580起直飛首爾
HK Express 每日有2班航機直飛首爾，單程票價由 $580起。
查詢:www.hkexpress.com
香港 – 首爾仁川機場(UO618) 07:25 > 12:00
首爾仁川機場 – 香港(UO619) 12:55 > 15:40
(星期五除外)
Pocket Wifi推介
Crazyegg 的4G wifi 可供4人使用，記者實測就算多人連線都唔會減慢，電池約10小時，而且無限 data 任用，都只係 $40/ 日，好用又抵玩！
查詢:www.crazyegg.com.hk
除了排隊退稅，咪錯過用仁川機場的電子退稅機，如果單據的退稅金額低於 50,000韓圜，不用給海關蓋章及檢查，便可憑機退稅，勁快勁方便！部機有 多國語言選擇，最緊要有職員從旁協助，記者實測比人手退稅快超過15分 鐘，立即試畀你睇！
