大嶼山盲發展!!! 破壞前《最後發聲機會》

Mar 14 2016

新一年的《施政報告》建議在大嶼山大興土木，發展10幾個項目，包括填海、增加度假村、康樂場館等。今次土地發展快速，引起不少環團反對，要求政府先聽民意，不要盲目發展大嶼山，破壞當區生態。政府的公眾諮詢至4月，預計下半年推出大嶼山發展藍圖，仲有埋實施時間表，大家唔想大嶼山變到人工娛樂城咁，就要爭取機會表態！

大嶼山自駕遊危害牛牛

同一時間，剛開始的大嶼山自駕遊亦引起不少爭議，不少當地居民都開始驚驚，原因之一是平日已經好少車位，開放埋必定再逼啲。不過最大問題是唔識投訴的原居民之一牛牛們，就要面對更多車湧入，一個唔留神，好易成為車下魂。嗯，都係嗰句：「小心駕駛」啦！

大嶼山盲發展 06 — 貝澳沒有遊人的日間平靜悠閒。（相片由Stephen Tse 提供）

大嶼山盲發展 07 — 流浪牛在下長沙的沙灘洗腳。（相片由Stephen Tse 提供）

運輸署「大嶼山自駕遊」詳情

• 上網申請大嶼山封閉道路「禁區紙」
• 每天最多25部私家車（其中5個優先給電動車）
• 星期一至五（假期除外）8am-7pm可入
網址：td.gov.hk
電話：2804 2600

民間自發紀錄水口百態

大嶼山發展建議中，水口設滑翔傘及動物農莊，但水口是濕地，除了是摸蜆景點，也有一大片紅樹林，不少候鳥、昆蟲、魚類等在這個地方天生天養，一旦要加設新建築物如碼頭，或會是水口生態災難。

有民間團體倡議把水口列入SSSI（具特殊科學價值地點），加強保育避免人工發展。漁護署自2009年開始研究有關事項，可惜到2014年擱置計劃，理由是被當區原居民反對，故未能成事。香港自然生態論壇、港大環境生命科學學會、守護大嶼聯盟及香港觀鳥會，於2014至15 年，進行為期一年的「水口灣生態調查員培訓計劃」，77位大學生和幾位生態導師一同考察，結果紀錄逾180種生物，包括瀕危物種，近日出版報告。

自然生態論壇的Dickson 話，「今次目的要證明給各界睇，水口有生態價值，一旦破壞咗，就返唔到轉頭。」水口唔止摸蜆消閒，大家可以向政府爭取保育水口生態，幫小動物發聲。