朱古力棉花糖新產品! M記春季5大限定甜品
廣告
早前麥當勞推出咗朱古力醬熱香餅，大眾反應熱烈，可惜喺上星期已經同大家講Bye Bye了！不過未試到嘅朋友唔駛唔開心，因為McCafé喺3月3日就會推出大人小朋友都喜愛嘅棉花糖配朱古力「Mellow Marshmallow」系列！
由2016年3月3日起，McCafé會以棉花糖打造三款全新嘅飲品，分別係「棉花糖朱古力」（下）、「凍棉花糖朱古力」（中）及「棉花糖鮮奶咖啡」（上）。
香濃嘅朱古力再加上軟綿綿嘅棉花糖，不論冷熱嘅飲品都可以將兩者嘅味道提升，美味指數簡直滿分！相信大人小朋友都會想試下呢種咁幸福嘅感覺，嚐甜嘅朋友更加不可錯過呢個系列！
除咗飲品之外，McCafé同樣貼心地照顧喜歡食甜品嘅人士，同系列仲有「棉花糖窩夫」（下）及「忌廉窩夫」（上），絕對會是一眾甜品迷的至愛！
McCafé窩夫係根據傳統比利時配方製作，熱烘烘的焦糖風味窩夫外脆內軟，伴以香甜微焦嘅棉花糖或軟滑忌廉，已經係人間美味。客人仲可以自選一款醬料，選擇有甜美嘅朱古力或微酸嘅士多啤梨醬，口感與味道當然係Perfect Match！大家食完飯不妨可以到McCafé飲杯棉花糖朱古力，再加件窩夫，簡直係為一餐飯畫上完美嘅句號！
延伸閱讀：
大熱日式雪芳三文治! 主打刨冰甜品店|大坑有咩好食|
英國No.1潮啤登港！ 必試黑啤棉花糖雪糕|中環有咩好食|
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
