好時沙嗲結業Last Call?! 未必… |尖沙咀有咩好食|

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Apr 15 2016

新加坡菜名店兼明星飯堂好時沙嗲，明日(4月16日)最後一日營業，排長龍是常識吧。消息一傳出，擁躉們大嘆可惜，引來人潮趕來品嚐最後的滋味。老闆張向榮及伙記做到踢晒腳，而食物皆是手工貨，需時準備，食客太多，難保持質素，老闆都好心悒。

如果怕第時無機會再品嚐，必定要排隊，便要排最少兩小時的心理準備。皆因好時沙嗲今早未開門，已吸引逾百人排隊，晚市曾一度由一樓排至三樓。因生意繁忙，以往不設落場休息，現在下午亦要暫停營業，甚至貼上「食物沽清、請勿排隊」等標示，但仍無損食客堅持排隊的決心。逾廿名食客四時多到場，輪候餐廳落場完結，六時入座品嚐滋味。明日最後營業日所有貨物沽清，便會提早關門，所以幾點Last Call都唔知，唔排就等吓老闆重開喇。

老闆強調正與業主商討租金及裝修問題，又或是頂手其他舖再經營，重開機會好大，呼籲食客勿再排隊。