全城最平龍蝦三文治 $138足一隻龍蝦|中環有咩好食|

自從紐約名店Luke’s Lobster走紅，香港相繼出現不少龍蝦三文治，但價錢普偏唔平，即使位於較偏地區的，都要近$300。反而，位於中環心臟地帶的Lobster Central，可算是全城最平的龍蝦三文治，一件$138，採用一磅重的美國波士頓龍蝦，龍蝦是在美國以海水煮熟，急凍後再原隻運來香港，由於海水味濃郁，店家只以檸檬汁、牛油、西芹調味，務求突顯龍蝦鮮味。店內亦有蟹肉三文治、蝦肉三文治，以及龍蝦湯，當中龍蝦湯以30隻蝦頭及蝦殼久煮24小時，與小量忌廉及香草打成，龍蝦味濃郁得在口中久久不能散去，龍蝦迷一定大滿足！