超市有賣樽裝！法國百年店 Angelina 即飲熱朱古力

撰文：Suky 圖片：Suky、Angelina Official

法國百年老店 Angelina 進攻超市專櫃

Angelina Paris 餐廳兩年前登陸過中環ifc，最近品牌進攻超市專櫃，在尖沙咀 city’super 開設專櫃，有著名的朱古力粉、栗子醬、曲奇售賣，也有在餐廳裡熱賣的熱朱古力，熱朱古力是Angelina Paris 鎮店之寶，現在變成玻璃樽裝出售，只要加熱，大家也可以自己沖調一杯Angelina 名牌熱朱古力啦！

品味Angelina 熱朱古力 記者率先試飲

記者試了大瓶版的(480ml－$150)熱朱古力，一枝大瓶版的(480ml)熱朱古力可以沖到大約4杯，帶回編輯部給同事們試飲後得出以下評語。

朱古力濃度：★★★★★
熱朱古力非常濃郁，入口像朱古力噴泉的朱古力醬般濃郁，又有如熔化了的朱古力，質感較為厚身，拍得住芝麻糊般，可用匙羹勺起來吃。但是，可能熱水座不夠熱，倒出來之後也出現一粒粒沉澱物，影響口感。
甜度：★★★☆☆
雖然朱古力味非常濃郁，但不算太甜，大部分人都可以接受。
賣相：★★☆☆☆
朱古力顏色較深，倒出來時出現一粒粒沉澱物，應該是記者沖調得不夠熟練。
價錢：★★★☆☆
480ml－$150 （可沖約四杯，即平均價錢每杯$ 37.5）價錢好像連鎖式咖啡店，合理！而且，相比起熱朱古力在店內飲，需要$88一小杯，現在做成樽裝，比較划算！

小貼士：雖然它官方原意是用熱水座熱大概 10－15分鐘就可飲用，不過熱水座也可能由於熱力不夠，在家飲用的你或可以把整瓶蒸熱，熱朱古力出來質感好像芝麻糊般厚身，可以加點熱水沖淡，8:2比例形式，熱朱古力8份比熱水2份，會較易入口。而且可用鐵匙搞拌幾下，避免沉澱物出現。

有記者也曾經到中環店內實地試飲熱朱古力（$88），也是濃稠厚身，可以用匙羹勺起來吃。滑溜如絲，微微黏稠，滲透整個口腔。

不過可惜餐廳中環店已經結業啦。入冬啦！大家可以去買玻璃瓶裝的朱古力自己沖來試試，比較起餐廳飲用，玻璃瓶裝還要更划算啊！
Angelina Paris 專櫃
地址：尖沙咀港威商場 3 樓 GW 3001 號舖 city’super (顯示地圖)
電話：2736 3866
營業時間：10am – 10pm