【出街搵食】$198九層架壽司Omakase！福岡九州直送魚鮮+百年麵廠魚湯烏冬｜灣仔日本菜｜

撰文：ning 攝影：Fion

呃Like兼搶眼！層層疊九段壽司Omakase

這間壽司店主打平價Omakase，有別於坊間逐件奉上的形式，這裡是原個套餐上枱的。只見店員捧着一個巨型的九段梯級木層架走來，相當震撼！每層放有一件壽司，整齊中帶點精緻。單個九段木層架，本身已經夠晒 Instagramable，叫齊兩 Set 玩合併，正好砌成一圈，好浮誇，用相機食先是常職吧？

每日空運 福岡九州直送魚鮮

能夠做到如此親民價，全靠店主在福岡、九州有人脈，每朝在當地魚市場揀選當造魚鮮，即時包裝空運直送，傍晚就到達香港店內的廚師刀下，不少更是 原條來貨，到店才由師傅庖丁解「魚」。

款式每日不同，拖羅海膽固然有，但真正抵食的，要數池魚王、金目鯛、喜知次、魴鮄魚、赤鯛、伊佐木等貴價魚種，連貝類都用活北寄貝、活海螺、活帆立貝；米飯是宮城縣的「夢幻之米」，爽口而粒粒分明，再用赤醋拌壽司飯，矜貴度可媲美叫價過千的壽司名店。

壽司即叫即握

店內的Omakase壽司即叫即握，分$198及$298兩個價位，可選壽司盛或刺身盛，每客九款，有齊魚、蝦、貝三類魚鮮，池魚更是必備Item。

$198的款式較大路，油甘魚、赤身、甜蝦、活赤貝 ⋯⋯而$298的極上版就有金目鯛、池魚王、大拖羅、活北寄貝等的貴價貨，刺身的處理也較為多元，利用醬油、鹽醃、火炙等技巧加以提鮮、豐富味道，加上由淡至濃的逐層鋪排，相當有誠意。

精選壽司逐件睇

雖然Omakase的壽司刺身款式會按時令每日不同，但不少秋冬季的矜貴魚鮮，這裡也有供應，以下九款就是精選推介，壽司師傅建議由最底層開始，由淡味食到濃味。

1.深海池魚

口感爽嫩有彈性，食落肥美魚油重。

2.赤鯛

薄薄掃上一層醬油，肉質幼嫩帶微甜。

3.金目鯛

油脂豐富，在魚皮上加點岩鹽微微炙燒，倍添Smoky甘香。

4.活北寄貝

質感爽身脆卜卜，味道鮮甜，帶點鹹鹹海水味。

5.牡丹蝦

啖啖彈牙蝦肉，膠質重兼富黏性，蝦鮮濃郁。

6.糸撚鯛

名字趣怪，其實和紅衫魚同科，肉質結實，魚味濃而帶甜。

7.醋鯖魚

起骨後，原條鹽醃再用昆布果醋漬製，酸香恰到好處，引出魚鮮。

8.大拖羅

質感鬆軟，入口即化，魚油豐厚腴美。

9.海膽

肥大厚肉的加拿大海膽，甘甜得來口感Creamy。

九段刺身盛

除了壽司盛，想淨食魚生鮮味的，也可選九段刺身盛，件件厚切，有些更配醬汁來點Fusion味道，層次多元。

九段和食刺身變化丼

還有結合刺身與和食的變化丼，由刺身及四款和食組成，同樣由廚師發辦，和食款式包括燒物如牛舌、 炸物天婦羅、煮物鰻魚玉子燒，很豐富。

鮮熬魚湯 香川百年麵廠烏冬

吃完Omakase，還可選丼飯、卷物，或是以大量新鮮魚骨熬成的魚湯烏冬也大有來頭，是店主特意由香川縣百年製麵廠「 石丸製麵 」代理回來的讚岐胚 芽烏冬，以當地出產的「 讚岐の夢 」小麥製造，再刀切晾乾而成，口感滑溜，嚼落煙韌，再呷一口濃郁鮮味的魚湯，啖啖都是心機。

烏冬用金色茶壺盛載，玩味十足，奶白色的魚湯濃郁順喉，鮮而不腥，烏冬軟熟滑嘟嘟，有淡淡小麥香。

繼續呃Like！毛蟹二段丼

九段木層架壽司Omakase夠吸睛，想不到Menu其他單點菜式也走視覺系的呃 Like 路線。同樣震撼的，有超過20cm高的魚男丼飯，模仿近年紅爆東京築地、台灣的二段丼造法，底層是丼飯配厚切的三文魚、油甘魚刺身；再於丼飯面層疊上小卷物，最後放上半隻蒸熟了的巨型北海道毛蟹和牡丹蝦，橙黃帶金，尖長鋒利的蟹爪舉於半空，霸氣！

翻開毛蟹，由蟹蓋到蟹身，都塞滿肥美甘甜的墨綠色蟹膏，以及紮實有彈性的蟹肉，單是吃蟹都夠晒抵。

爆瀉軍艦

嘴饞的話，還有足料的魚男軍艦，在青瓜小卷面鋪上接近傾瀉的拖羅蓉、海膽和三文魚子，吃的時候隨你混搭、加料、僭建，將滿滿的魚鮮一同放入口，大滿足！

可能你會說，這趟Omakase好像欠缺了傳統廚師發辦坐壽司吧，觀賞師傅職人刀工、壽司握法，以及邊吃邊與師傅交流的風味。

但細想一層，這些「 服務 」，本來就是成本的一部分， 在$300這個親民價錢上， 最重要是壽司刺身落足重本，選料道道都是師傅的當日心水，亦無將貨就價，擺盤有心思，入座又送果汁或燒酎做Welcome drink，都算收貨吧！

福岡．烏龍魚男

地址：灣仔灣仔道221A 號地下（顯示地圖）
電話：2861 3001
營業時間：星期一至日12nn-3pm、6pm-11pm
備註：設加一、收信用卡；Omakase之食材會因季節性及時令略有變動。

延伸閱讀：