直擊 鼎爺私房菜 ！五星酒店公關食後感：有功架！ $888值得 ！ ｜銅鑼灣中菜｜

裝修走中國風 略嫌唔夠私密

記者這位酒店公關朋友，平時都是識食之人，自己幫城中不少名店做PR之餘，平日亦喜歡到處試菜。得知鼎爺開私房菜，便馬上訂位，趕飲頭啖湯。光顧的是每位$888的菜單，換言之並不是可以全程見到鼎爺煮菜的VIP房間，同場亦有另外三枱食客，格局以私房菜而言不算私密。

直擊$888 菜單 乞衣雞生炒骨是鐵膽

每位$888的菜單共有9道菜，當中包括了曾經在《阿爺廚房》節目內示範過的「阿爺乞衣雞」和「阿爺紫晶生炒骨」，雖然鼎爺私房菜講求不時不食，但這兩道菜幾乎是鐵膽，每日必有的。其餘的菜式還有燉湯、蒸蟶子、荷葉飯等，老實講材料不算特別矜貴，重點始終鼎爺手工。

至於賣相及味道如何，即刻揀幾個來點評。

有驚喜！唔駛2萬 $888都有鼎爺現身

起初菜館表示只有食夠＄20,000 ，在VIP房才看到鼎爺出來露兩手，不過公關朋友試菜當晚，雖然不是全程見到鼎爺，但食到「紫晶生炒骨」時，鼎爺會在偏廳的玻璃房內，隔住玻璃煮俾你睇，都算係驚喜位之一！

鼎爺巧手功夫菜逐樣睇

1. 鼎爺精選前菜（四款）

前菜包括了椰皇酸薑皮蛋、蚵仔卷、蜆蚧米通鯪魚球及醉鮑魚，酒店公關朋友說鯪魚球更勝鮑魚，米通比正常大粒，食落香脆有口感，魚肉質爽彈調味到位；醉鮑魚酒味濃郁，齒頰留香；反而椰皇酸薑皮蛋就未夠令人印象深刻，有點單調。

2. 陳年陳皮蒜蓉蒸蟶子皇

第二道出動貴價老年陳皮來配肥嘟嘟的蟶子皇，坊間有說蒸的火侯不穩定，有人食過話太韌；但這位酒店公關朋友就話，當晚蒸得剛好，蟶子肉爽帶陳皮清香。

3.荷葉龍蟠鱔

鱔件很厚肉，熟度也剛好；面層的豆豉倍添鹹鮮。

4.阿爺乞衣雞

酒店公關朋友話這道菜最好味又難忘！外層的泥巴唔用坊間的塘泥，而是南貨店買的酒泥，即是釀酒缸上蓋的那層泥，帶有酒香，比塘泥更獨特，也無臭泥味。而且更用上新鮮及乾荷葉，味道更清香。酒店公關朋友更直言，平時最怕食乞衣雞，因為坊間乞衣雞肉質會霉，今次鼎爺這隻乞衣雞就令他改觀，肉質夠滑，雞殻內不用大頭菜改用蔥花，味道更惹味。

5. 紫晶咕嚕肉

唯一一道睇住鼎爺煮的菜式，據講鼎爺不刻意用山楂調味，改用酸梅和火龍果調味，網上有人話味道唔算酸、溫和微甜，今次酒店公關朋友亦認同，說味道偏淡 ，不是太吃得到果酸味道，喜歡吃重酸味咕嚕肉的朋友可能會失望。

6. 金銀玻璃肉

當晚甜品菜式，也是鼎爺的創意作品。說是甜品，卻用肥豬肉做成。銀肉是蒸肥豬肉片，金肉則是烤焗過的肥豬肉片，裹着綠豆蓉、紅棗蓉及黑糖製成的餡料。酒店公關朋友亦大讚，說肥豬肉不油膩，而且鬆化無比，口感似威化餅！

總評：$888可接受 但過千則要考慮

對於整頓鼎爺私房菜的意見，小記這位酒店公關朋友說，$888算是可接受，坊間不少高級甚至酒店粵菜都是相近價錢，而且席上菜式頗考功夫及製作需時，無論材料、加工費都需顧及；加上有鼎爺加持，畀貴少少都「OK啦」，不過如果是再高一級的$1,288和$1,888菜單，這位酒店公關朋友就說「視乎菜單食啲咩，如果是近似或者菜式未夠特別花巧，就要再三考慮」，但鼎爺對每道菜的獨有自家烹調方法，都值得欣賞。

不過，小記都喺到戴個頭盔先，以上評論只根據酒店公關朋友當日光顧的個人體驗、觀感和食評所得。各位想試鼎爺私房菜的，自己參詳一下，再作決定好了。

回帶睇 鼎爺私房菜誕生實況

鼎爺私房菜 位置在銅鑼灣黃金地段V-POINT商場，佔地4,300呎，有海景位，主打預設菜單的私房菜模式，再看看裝修，與一般酒樓酒家都有不同，檔次不低。

在《阿爺廚房》中，鼎爺常常提起自己已故的阿爺，對做菜怎樣奄尖有要求，現在到自己開菜館，同樣非常認真，所以由鼎爺私房菜入伙裝修開始，鼎爺都全程監工！

入場費高昂！ 網友覺得貴 阿爺卻這樣說

鼎爺私房菜定價之高，網民持兩邊意見，一邊大叫貴價唔抵食，一邊就覺得各花入各眼，百貨應百客，總有人賞識！

鼎爺也現身說法，他這樣公道地說，雖然$800起的一餐粵菜，也是偏貴的，但是他指出菜館會堅持很多在電視節目中示範過的繁複步驟，花時間、花心機做出好味道。

鼎爺廚房

地址：銅鑼灣登龍街18號V POINT 21樓(顯示地圖)
營業時間：待定
電話：2387 6969
Whatsapp訂座：6729 6689

訂座訊息範例
名字：
電話：
日期：
人數：
備註：

延伸閱讀：