點Jack麥樂雞回歸！麥當勞4款醬一次過點晒報告
廣告
講到麥當勞最受歡迎嘅「期間限定」系列，應該非點Jack麥樂雞莫屬。筆者仲記得中學時代每星期等兩款新醬嘅期待，今年嘅點Jack麥樂雞由即日起（3月24日）再次回歸，仲推出咗共18件嘅點Jack麥樂雞分享盒，一次過點晒韓風辛辣、麥糖芥末、星洲咖喱同味噌芝麻，套餐價$41，計落仲抵過6件麥樂雞餐之餘，仲可以一次過點晒4款醬料，闊別大家3年的星洲咖喱醬再次回歸，未知味道有否改變，即刻同大家試試味！
除咗點Jack回歸之外，今次真正全新推出嘅就係薄薯脆，其實即係網紋嘅即炸薯片，厚薄算適中，最緊要就係同卡樂 B係灣仔嘅概念零食店一樣，薯片即叫即炸！買任何套餐加$3就食到，今晚撐香港隊睇住食就啱晒！
同場加映！點Jack歷年廣告片！
點Jack歷年嘅廣告片一向有趣，上年仲破天荒係港視嘅劇集《警界線》Crossover，成為城中熱話！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
