香港獨家《榴槤包》 馬來西亞過江龍餅店到港 |旺角有咩好食|
廣告
馬來西亞餅店Rotiboy Bakeshoppe喺香港開首間分店！餅店喺1998年於檳城開業，世界各地已經有唔少分店。今次香港店會率先推出2款麵包 – 咖啡包和榴槤包，開業短短幾日，兩款麵包一日已經賣成1500個，可見佢哋受歡迎程度有幾高！
餅店的食材由馬來西亞直送到港，而麵包用返馬來西亞的製作方法，不含豬油，符合清真食品要求。麵包每日都新鮮出爐，保證大家可以食到熱辣辣嘅麵包！
香港獨家！榴槤烤包
麵包外層脆卜卜，包身鬆軟，咖啡脆皮味道不算太濃，而包內的榴槤雖然唔係流心，但配上奶油令口感軟綿，而且榴槤味幾突出。
馬拉原汁原味！咖啡烤包
唔想食榴槤的話，可以試吓原味咖啡包，淡淡咖啡味，再配合包入面嘅熱溶牛油，令到麵包更香口美味，唔會太dry。
馬拉風味飲品！手工拉茶和手拉咖啡
除咗麵包之外，餅店仲推出兩款飲品，手工拉茶和手拉咖啡，拉茶的茶味香，奶和茶的比例剛好，而咖啡味道濃郁，但有少少偏苦，飲開偏甜的咖啡便會覺得太苦。如果買麵包，加$12-$14就可以有杯飲品，都唔算貴。
由於反應熱烈，餅店早前嘅開店優惠，麵包買三送一將會延遲結束，想買嘅朋友仔就要爭取今次機會喇！
RotiboyBakeshoppe
地址：旺角廣華街1號仁安大廈24A地舖（顯示地圖）
營業時間：11am-10:30pm
電話：2885 3080；2885 3909
延伸閱讀：
半價優惠6點開始!! 旺角黑夜壽司週年限定 |旺角有咩好食|
卡樂B概念零食店開幕!! 排長龍食即炸薯片配雪糕
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
