芝士可以溝奶昔?!?! 4大芝士變奏新甜品 |旺角有咩好食|
廣告
世人對芝士的喜愛，已到了瘋狂地步! 話說，近日經過賣開糖果奶昔的Candy Shake，竟然推出芝士系列！店家不惜工本，用上原磚北海道忌廉芝士，加入貴價貨3.6牛乳，製成奶昔、雪糕、冰茶三款全新產品。奶昔每杯即叫即打，奶昔質感細滑，芝士味極濃，更可按客人喜好，加入Oreo、抹茶粉，甚至馬拉貓山王果肉，做出不同口味。嫌重口味，想fresh 啲，可揀芝士冰茶，將芝士混合牛奶，打成質地輕盈的奶泡，放在以台茶沖泡的冰茶之上，做法有點像坊間的「奶蓋」，喝來則多了一陣溫和的芝士奶香。天氣回暖，自家製的芝士雪糕，酸咪咪好開胃，令人不知不覺上了癮，認真邪惡！
主打芝士奶昔及雪糕
裡面加了店家自家製的Oreo雪糕而成，朱古力味與芝士香完美結合，加上酥脆餅碎，層次豐富。
榴槤拼芝士，效果出奇有趣，芝士味先行，然後淡淡榴槤香留在口中，不過略嫌果肉打得太細，欠點口感。
每天自家鮮製，質地細滑，奶香濃郁，加了芝士後，帶點乳酸味道，加了宇治抹茶粉後，帶點甘苦味道，不會太膩。
綠茶採用台灣茶葉沖泡而成，茶味甘厚自然，非坊間茶粉開水可比，配上自家調配的蜂蜜Syrup，清甜可口，與即叫即打的芝士奶泡撈混來飲，味道有驚喜！
店家的新出品，用上日本香芋製作，餡料夠流心，芋蓉質地粉糯，不錯不錯！
Candy Shake
•地址：旺角登打士街55號 （顯示地圖）
•營業時間： 星期一至四及日12nn-12mn星期五、六12nn-1am
•電話：2110 9822
延伸閱讀：
芝士配抹茶雪糕?! 6款變奏芝士新品試食報告|旺角有咩好食|
全港最濃抹茶雪糕?!?! 尖沙咀10大新人氣小食 |掃區王
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
